އަންނަ ހަފުތާގެ ބުރާސްފަތި ދުވަހުގެ ރޭ ދިވެހި ފިލްމް "ބޮސް" އައްޑޫގައި އަޅުވާ އިރު، ޓިކެޓް ނޯޓް ކުރާ މީހުންނަށް މިހާރު ޓިކެޓް ޑެލިވަ ވެސްކޮށް ދޭން ފަށައިފި އެވެ.
މަރަދޫ ބޮޑޮގޭގައި "ބޮސް" ގެ ޝޯތައް ކުރިއަށް ދާނީ މި މަހުގެ 16-20 އަށެވެ.
ފިލްމް އައްޑޫގައި އަޅުވާ ޓީމްގެ އޮފިޝަލަކު "އައްޑޫ ލައިވް" އަށް މިއަދު ބުނީ "ބޮސް" ގެ އައްޑޫ ޝޯތަކަށް ވަރަށް ބޮޑު ތަރުހީބެއް ލިބެމުން އަންނަ ކަމަށާއި 20 ވަނަ ދުވަހުގެ ރޭގެ ޝޯގެ ޓިކެޓް ވެސް މިހާރު ވިއްކަމުން އަންނަ ކަމަށެވެ.
ފިލްމްގެ ޝޯތަކަށް ލިބެން ފެށި ބޮޑު ތަރުހީބާ އެކު 20 ވަނަ ދުވަހުގެ ރޭގެ ޝޯގެ ޓިކެޓް ވިއްކަން ފެށީ މިއަދު އެވެ.
"އަޅުގަނޑުމެންނަށް ގުޅާފައި ޓިކެޓް ގެންދަންވީ ތަން ބުނީމަ މިހާރު ޓިކެޓް ޑެލިވަކޮށް ދޭނެ. އެހެންވެ މިއީ ޓިކެޓް އަދި ނުނަގައި ވެސް ތިބި މީހުންނަށް ވަރަށް ބޮޑު ފަސޭހައަކަށް ވާނެ،" އޮފިޝަލް ބުންޏެވެ.
ޓިކެޓް ހޯދަން ގުޅަން ޖެހޭ ނަމްބަރުތަކަކީ 7845584 އަދި 7414404 އެވެ.
"ބޮސް" އަކީ ފާތުމަތު ނަހުލާގެ ލިޔެ، ޕްރޮޑިއުސްކޮށް، އައިޝަތު ރިޝްމީ ޑައިރެކްޓްކޮށްފައިވާ ލޯބީގެ އަސަރުގަދަ ފިލްމެކެވެ.
މި ފިލްމްގައި ލީޑް ރޯލް ކުޅެފައި ވަނީ އަލަށް ތައާރަފުވި މުހައްމަދު ޔުނާން އާއި މަރިޔަމް އައްޒަ އެވެ. އަދި ފިލްމްގެ ކާސްޓުން އިބްރާހީް ޖިހާދު (ޖިމީ). ފާތުމަތު އާޒިފާ (އަޒޫ) އަދި އަލީ އާޒިމް (ދޮންއައްޔަ) ވެސް ފެނިގެން ދާނެ އެވެ.