ކުޅުއްދުއްފުށީ އެއާރޕޯޓު އެޅުމަށް ކުޅުދުއްފުށީ ކުޅި ހިއްކުމަށް ގެނައި މާހާ ޖައްރާފަށް މިއަދު ކުޅުދުއްފުށީ ރައްޔިތުންގެ ފަރާތުން ފަރިވަޅުލުމެއް ދީފިއެވެ.
ޕީޕީއެމްއިން އިސްނަގައިގެން މިއަދު ބޭއްވި ފަރިވަޅު ދިނުމުގެ ރަސްމިއްޔާތު އޮތީ ކުޅުއްފުށީ ވެލިގަނޑު ސަރަހައްދުގައެވެ. އެރަށުގެ ގިނަ އަދަދެއްގެ އަންހެން ކަނބަލުން ދިވެހި ސަގާފީ ހެދުމުގައި ވަނީ ފަރިވަޅު ހިފައިގެން އެރަށު ބޮޑެތި މަގުތަކުގައި ހިނގާފައެވެ.
Kulhudhuffushi Heevaagi Anhen Kanbalun, Erashu Airport Elhumaa Dhekolhah Vaahaka Dhakkaa Leader @MohamedNasheed ah #salaam Buni. Kulhi Hikkaa Jaraafah Farivalheh Dhee #RY2018 ah Hovan Kamaru Bandhefi. #Udhuhey pic.twitter.com/Gle3RpR0Kq
— Ahmed Nihan (@ahmed_nihan) November 11, 2017
މި ހަރަކާތުގައި އެރަށުގެ 500 އެއްހާ އަންހެން ކަނބަލުން ބައިވެރިވިކަމަށް ޕީޕީއެމްގެ ޕާލިމެންޓްރީ ގްރޫޕްގެ ލީޑަރ އަހުމަދު ނިހާން ހަސަން މަނިކު ވިދާޅުވިއެވެ.
ފަރިވަޅު ހިފައިގެން އެރަށު އަންހެން ކަނބަލުންދާ ވީޑިއޯ އަކާއި އެކު ނިހާން ކުރެއްވި ޓްވީޓެއްގައި ވިދާޅުވީ ކުޅުދުއްފުށީ ހީވާގި އަންހެން ކަނބަލުން އެރަށު އެއާޕޯޓް އެޅުމާއި ދެކޮޅު ލީޑަރ މުހައްމަދު ނަޝީދުއަށް ސަލާމް ބުނި ކަމަށާއި، ކުޅި ހިއްކާ ޖައްރާފާއަށް ފަރިވަޅުދީ ރައީސް ޔާމީން 2018އަށް ހޮވަން ކަމަރު ބަނދެފިކަމަށެވެ.
ކުޅުދުއްފުށީ އެއާޕޯޓް އެޅުމަށް ކުޅި ހިއްކުމުގެ ރަސްމިއްޔާތު ބާއްވަން ނިންމާފައިވަނީ ރައީސް އަބްދުﷲ ޔާމީން ބައިވެރިވާ ހާއްސަ ޖަލްސާ އާއި އެކުއެވެ. އެ ޖަލްސާއަށް ޕީޕީއެމްއިން ވަނީ "އުދުހޭ" ޖަލްސާގެ ނަމުން ނަން ދީފައެވެ.