ހަލާލު ފައިސާއާ ދޭތެރޭ މުސްލިމުން ވިސްނާ ވަރަށް ވުރެ ބޮޑަަށް ހަލާލު ކާނާއާ ބެހޭ ގޮތުން ވިސްނާ ކަމަށް މެލޭޝިއާގެ އިސްލާމިކް އެފެއާޒާ ހަވާލުވެ ހުންނެވި ޑެޕިއުޓީ މިނިސްޓަރު ޑރ. އަސީރަފް ވަޖުދީ ޑުސޫކީ ވިދާޅުވެއްޖެ އެވެ.
އިސްލާކިމް ފައުންޑޭޝަން އެންޑް ޗެރިޓީ ސެމިނާގައި މިނިސްޓަރު ވިދާޅުވީ އިސްލާމް ދީނަކީ ހަރާމާއި ހަލާލުގެ މައްޗަށް ބިނާވެގެން ދީނެއް ކަމަށާއި ނަހަލާލު ގޮތުގައި ހޯދާ ކޮންމެ އެއްޗަކީ ހަރާން އެއްޗެއް ކަމަށެވެ.
"ހަލާލު ފައިސާއާ ގުޅޭ ގޮތުން ފިކުރު ނުކުރާ ވަރަށް މުސްލިމުން ހަލާލު ކާނާއާ ދޭތެރޭ ވިސްނާ. އެކަމަކު ކިހާރަކަށްތޯ ވިސްނާ ލެވެނީ އެ ކާނާ ހޯދަން ގަންނަން ހަރަދު ކުރާ ފައިސާއަކީ ހަލާލު ގޮތުގައި ހޯދި ފައިސާއެއްތޯ؟" އަސީރަފް ވިދާޅުވި އެވެ.
އޭނާ ވިދާޅުވީ ކާނާ ކަމަށް ވިޔަސް، ފައިސާ ކަމަށް ވިޔަސް އެ އެއްޗަކީ ނަހަލާލު ގޮތުގައި ހޯދާ އެއްޗެއް ނަމަ އެއީ ހަރާން އެއްޗެއް ކަމަށެވެ. އެހެންވެ އެކަމާ ދޭތެރޭ ފުންކޮށް ވިސްނަން ޖެހޭ ކަމަށް ވިދާޅުވި އެވެ.
ޑރ. އަސީރް ވިދާޅުވީ ބަނޑުފުރާ މުއްތި ކުރަން ޖެހޭނީ ހަލާލު ތަކެތިން ހޯދާ ހަލާލު އެއްޗެހިން ކަމަށެވެ.
"ހަރާން ގޮތުގައި ހޯދާ އެއްޗެހި ކައިގެން ކުރާ ދުއާ މާތް ﷲ އިޖާބައެއް ވެސް ނުކުރައްވާނެ،" އޭނާ ވިދާޅުވި އެވެ. "އެހެންވެ މުސްލިމުން ކާ އެއްޗިއްސަކީ ހަލާލު ކާނާތޯ ކަށަވަރު ކުރާ ގޮތަށް އެ ކާނާ ގަންނަން ހަރަދު ކުރާ ފައިސާއަކީ ވެސް ހަލާލު ގޮތުގައި ހޯދި އެއްޗެއްތޯ ކަށަވަރު ކުރަން ޖެހޭނެ. މިކަމާ ދޭތެރޭ ވަރަށް ބޮޑަަށް ފަރުވާކުޑަކޮށްލެވިފައި މިހާރު އޮތީ."