ފާތުމަތު ނަހުލާ ލިޔެ، ޕްރޮޑިއުސްކޮށްފައިވާ ފިލްމް "ބޮސް" މިރޭ އައްޑޫގައި ދައްކަން ފަށާނެ އެވެ.
އައިޝަތު ރިޝްމީ ޑައިރެކްޓްކޮށްފައިވާ ލޯބީގެ އަސަރު ގަދަ މި ފިލްމް މިރެއިން ފެށިގެން މި މަހުގެ 20 އާ ހަމައަށް މަރަދޫ ބޮޑޮގޭގައި ދައްކަން ވަނީ ހަމަޖެހިފަ އެވެ.
"ބޮސް" ގެ ލީޑް ރޯލް ކުޅެފައި ވަނީ އަލަށް ތައާރަފުވި މުހައްމަދު ޔުނާންއާ އެކު މަރިޔަމް އައްޒަ އެވެ. އަދި ފިލްމްގެ ކާސްޓުންގެ ތެރޭގައި އިބްރާހީމް ޖިހާދު (ޖިމީ)، ފާތުމަތު އާޒިފާ (އަޒޫ)، އަލީ އާޒިމް (ދޮންއައްޔަ) އަދި އަލީ ޝަމީލް ހިމެނެ އެވެ.
ނަހުލާގެ ކްރިސްޓަލް އެންޓަޓައިންމަންޓްގެ "ބޮސް" އޮލިމްޕަސް ސިނަމާގައި ޕްރިމިއާ ކުރީ މިދިޔަ މަހުގެ 31 ވަނަ ދުވަހުގެ ރެ އެވެ. އަދި ފިލްމްގެ ކާމިޔާބު ޝޯތަކެއް އެ ސިނަމާގައި މިހާރު ވެސް ދައްކަމުން އަންނަ އިރު ރާއްޖޭގެ ވަރަށް ގިނަ ރަށްރަށުގައި ފިލްމް އަންނަނީ އަޅުވަމުންނެވެ.