ސްރީދޭވީ ދޮށީ އަންހެން ދަރިފުޅު ޖާންވީ ކަޕޫރާއި ޝާހިދު ކަޕޫރްގެ ކޮއްކޮ އިޝާން ޙައްތަރު ބޮލީވުޑަށް ތައާރަފު ކުރާ ފިލްމް "ދަޅަކް" ގެ ޕޯސްޓަރުތަކެއް ދައްކާލައި، ފިލްމް ރިލީޒް ކުރާ ތާރީހު ވެސް އިއުލާންކޮށްފަ އެވެ.
ކަރަން ޖޯހަރްގެ ދަރްމާ ޕްރޮޑަކްޝަނާއި ޒީ ސްޓޫޑިއޯ ގުޅިގެން ގެނެސްދޭ "ދަޅަކް" ސިނަމާތަކަށް ގެންނަން ނިންމާފައި ވަނީ ޖުލައި 6، 2018 ގަ އެވެ.
#धड़क starring Janhvi & Ishaan
6th July 2018 @ShashankKhaitan @apoorvamehta18 @ZeeStudios_ pic.twitter.com/tZ75FwqraM— Karan Johar (@karanjohar) November 16, 2017
މި ފިލްމުގެ ޑައިރެކްޓަރަކީ ދަރްމާގެ ވަރަށް ކާމިޔާބު ދެ ފިލްމް ކަމަށްވާ "ބަދްރީނާތު ކީ ދުލްހަނިޔާ" އާއި ހަމްޕްޓީ ޝަރްމާ ކީ ދުލްހަނިޔާ" ގެ ޑައިރެކްޓަރު ޝަޝަންކް ކައިތާން އެވެ.
"ދަޅަކް" އަކީ މިދިޔަ އަހަރު ރިލީޒް ކުރި ވަރަށް ކާމިޔާބު މަރާޓީ ފިލްމެއް ކަމަށްވާ "ސައިރާތު" އަސްލަކަށް ބަލައިގެން ހަދާ ފިލްމެކެވެ. އެއީ ވަރަށް އަސަރު ގަދަ ލޯބީގެ މިއުޒިކަލް ޑްރާމާއެކެވެ.
Presenting JANHVI in #धड़क Releasing 6th July 2018
But her debut on Instagram is today! https://t.co/mzVGR9GYU1 @ShashankKhaitan @apoorvamehta18 @ZeeStudios_ @DharmaMovies pic.twitter.com/cEDZBs6zid— Karan Johar (@karanjohar) November 15, 2017
ޖާންވީ ބޮލީވުޑަށް ތައާރަފު ވާނެ އިރަކަށް ވަރަށް ގިނަ ބަޔަކު އިންތިޒާރު ކުރަމުންދާތާ އެތައް ދުވަސްތަކެއް ފަހުން، އޭނާގެ ފުރަތަމަ ފިލްމް ރަސްމީކޮށް ކަރަމް އިއުލާން ކުރުމުން މި ފިލްމަށް މިހާރު ވެސް އެތައް ބަޔަކު ވަނީ އިންތިޒާރު ކުރަން ފަށައިފަ އެވެ.
Presenting ISHAAN in #धड़क #DHADAK
https://t.co/m6LY07W8cS @ShashankKhaitan @apoorvamehta18 @ZeeStudios_ @DharmaMovies pic.twitter.com/XIWngptAF4— Karan Johar (@karanjohar) November 15, 2017
"ދަޅަކް" އަކީ އިޝާންގެ ވެސް ފުރަތަމަ ހިންދީ ފިލްމް ނަމަވެސް، އޭނާ ކުޅުނު ފުރަތަމަ ފިލްމަކީ ދާދި ފަހުން އިރާންގެ މަޝްހޫރު ޑައިރެކްޓަރު މާޖިދު މާޖިދީ ދާދި ފަހުން ރިލީޒް ކުރި ފިލްމް "ބިޔޯންޑް ދަ ކްލައުޑްސް" އެވެ.