ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ ސައުތު ރީޖަނަލް ވޭސްޓް މެނޭޖްމަންޓް ސެންޓަރަށް މުވައްޒަފުން ހޯދަން އިއުލާންކޮށްފި އެވެ.
އެ ކުންފުނިން ނެރެފައިވާ އިއުލާނެއްގައި ބުނީ ހިތަދު އަށް ކަލެކްޝަން ސާވިސް އެސިސްޓަންޓުންނާއި ކޭޝިއަރުންނާއި ޑިއުޓީ އޮފިސަރުންނާއި ޑްރައިވަރުންގެ އިތުރުން ސިކިއުރިޓީ ގާޑުން ބޭނުންވާ ކަމަށެވެ. އަދި ހުޅުމީދު އަށް ވެސް ސެކިއުރިޓީންނާއި ކޭޝިއަރުންނާއި ހެވީ ވެހިކަލް އޮޕަރޭޓަރުން ބޭނުންވާ ކަމަށެވެ.
އެހެންވެ މި ވަޒީފާތަކަށް ޝައުގުވެރިވާ ފަރާތްތަކުން މި މަހުގެ 25 އާއި 26 ގައި ހިތަދޫގައި ހުންނަ ސައުތު ރީޖަނަލް ވޭސްޓް މެނޭޖްމަންޓް ސެންޓަރުގެ މައި އޮފީހުގައި ކުރިއަށްދާ އިންޓަވިއުތަކުގައި ބައިވެރިވާން ވެމްކޯ އިން ދައުވަތު ދީފަ އެވެ.