Last Updated: April 19, 21:11
Saturday, April 19, 2025
ޚަބަރު

"އައްޑޫ އިންޓަނޭޝަނަލް މެރަތަން" ފަސްކޮށްފި

"އީކްއޭޓާ އައްޑޫ ސިޓީ އިންޓަނޭޝަނަލް މެރަތަން" ގެ ނަމުގައި އައްޑޫގައި އަންނަ މަހުގެ 8 ގައި ބާއްވަން ރޭވި މެރަތަން އަންނަ އަހަރުގެ ފެބްރުއަރީ އަށް ފަސްކޮށްފި އެވެ.

ރަނާސް މޯލްޑިވްސް އާއި ނަސީރު ސްޕޯޓްސް އެކެޑަމީ (އެންއެސްއޭ) އިން އިންތިޒާމުކޮށްގެން ބާއްވާ ބައިނަލްއަގުވާމީ ދުވުން ބާއްވާގޮތަށް މިހާރު ތާވަލުކޮށްފައި ފެބްރުއަރީ 2، 2018 އަށެވެ.

ރަނާސް މޯލްޑިވްސް އިން ބުނީ މެރަތަން ފަސްކޮށްފައި ވަނީ އެ ދުވުމުގައި ވާދަ ކުރާ ބިދޭސީ ދުވުންތެރިންގެ ވިސާ ހަމަނުޖެހޭތީ އާއި ބައެއް ކަންކަން ހަމަޖެހިފައި ނުވާތީ ކަމަށެވެ.

މި މެރަތަންގައި ގިނަ އަދަދެއްގެ ބިދޭސީ ދުވުންތެރިން ވާދަ ކުރާ ގޮތަށް ހަމަޖެހިފައިވާ އިރު، އޭގެ ތެރޭގައި އެންމެ ގިނައީ އެފްރިކާއަށް ނިސްބަތްވާ ދުވުންތެރިންނެވެ.

ފައިސާގެ ބޮޑެތި އިނާމުތަކެއް ހުށަހަޅާފައިވާ މެރަތަން ފަސްކޮށްފައިވާތީ މެރަތަންގައި ބައިވެރިވުމުގެ މުއްދަތު ވެސް އިތުރު ކުރަން މިހާރު ވަނީ ނިންމައިފަ އެވެ.