ސޮނީ ޓީވީން މިހާރު ދައްކަމުން އަންނަ ސިލްސިލާ "ހާސިލް" ގެ ބަތަލު ވަތުސަލް ސޭތު އާއި މިހާރު ރިލީޒް ކުރަން ތައްޔާރުވަމުން އަންނަ ކަޕިލް ޝަރްމާގެ އާ ފިލްމް "ފިރަންގީ" ގެ ބަތަލާ އިޝިތާ ދައްތާ މިއަދު ކައިވެނިިކޮށްފި އެވެ.
އެ ދެ ތަރިންގެ ކައިވެނީގެ ހަފުލާ ބާއްވާފައި ވަނީ ވަރަށް އާދައިގެ ގޮތަކަށް ހަމައެކަނި ދެ ފަރާތުގެ އާއިލާގެ މީހުންނާއި ގާތް ބައެއް ރައްޓެހިންނާ އެކުގަ އެވެ.
މުމްބާއީގެ އިސްކޮން ޓެމްޕަލްގައި ބޭއްވި ކައިވެނީގެ ހަފުލާގައި ވަތުސަލްގެ އެކުވެރިންގެ ތެރޭގައި ހިމެނޭ އަޖޭ ދޭވްގަން، ސަނީ ޑިއޯލް، ބޮބީ ޑިއޯލް ސުހައިލް ހާންގެ އިތުރުން ޑައިރެކްޓަރު އަޕޫރްވާ ލާކިއާ އަދި ޑައިރެކްޓަރު ސިދާތު ޕީ. މަލްއުތުރާ ބައިވެރިވި އެވެ.
— Aaron Pereira (@aaron_pereira94) November 28, 2017
ރިޕޯޓްތައް ބުނާ ގޮތުން ވަތުސަލް އާއި އިޝިތާ ކައިވެނި ކުރީ އެ ދެ މީހުން ރައްޓެހިވެގެން އުޅޭތާ ދެ އަހަރު ފަހުންނެވެ. ދެ ތަރިން އެންމެ ފުރަތަމަ ދިމާވެ، ލޯބީގެ ގުޅުމެއް ފެށުނީ ކުރީގެ ލައިފް އޯކޭ މިހާރުގެ ބާރަތު ޗެނެލުން ދެއްކި "ރިޝްތޯން ކާ ސައުދާގަރް…ބާޒީގަރް" ގެ ސެޓުންނެވެ.
ކުރިން ބޮލީވުޑްގެ ބައެއް ފިލްމްތައް ވެސް ކުޅެފައިވާ ވަތުސަލް، 37، މި ފަހުން މުޅިން ވެސް ފެންނަނީ ސިލްސިލާތަކުންނެވެ. އޭނާ ކުޅުނު ފިލްމްތަކުގެ ތެރޭގައި "ޓާޒަން: ދަ ވޮންޑަ ކާ" އަދި "ހީރޯޒް" ހިމެނެ އެވެ.
— Aaron Pereira (@aaron_pereira94) November 28, 2017
ކަޕިލްއާ އެކު ކުޅެފައިވާ "ފިރަންގީ" އަކީ އިޝިތާ، 27، ގެ ދެވަނަ ބޮލީވުޑް ފިލްމެވެ. އަދި ލީޑިން ބަތަލާއެއްގެ ގޮތުގައި އޭނާ ފެނިގެންދާ ފުރަތަމަ ފިލްމެވެ. އޭނާ އެންމެ ފުރަތަމަ ފެނިގެން ދިޔަ ފިލްމަކީ "ދިރްޝަމް" އިން އަޖޭގެ ދަރިއެއްގެ ރޯލުންނެވެ.
ހިންދީ ފިލްމް ކުޅެން ފެށުމުގެ ކުރިން އިޝިތާ ފިލްމީ ދާއިރާ އަށް ނުކުތީ 2012 ގައި ތެލެގޫ ފިލްމަކުންނެވެ.