އައްޑޫ ގަމުން ސްރީ ލަންކާ އަށް ބޭސް ފަރުވާ އަށް ދާ ދިވެހިންނަށް އެ ގައުމުގެ ނަވަލޯކާ ހޮސްޕިޓަލުން ހާއްސަ ޑިސްކައުންޓްލިބޭ ޕްރޮމޯޝަނެއް ސްރީ ލަންކަން އެއާލައިންސް އިން ފަށައިފި އެވެ.
އެ އެއާލައިނާއި ނަވަލޯކާ ހޮސްޕިޓަލް ގުޅިގެން ކުރިއަށް ގެންދާ އެ ޕްރޮމޯޝަންގެ ދަށުން ޑިސްކައުންޓް ލިބޭނީ ނަވަލޯކާ ހޮސްޕިޓަލުން ޚިދުމަތް ހޯދަންދާ އިރު ގަމުން ލަންކާ އަށް ދަތުރު ކުރި ޓިކެޓާއި ބޯޑިން ޕާސް އަދި ދިވެހި ރައްޔިތެއްކަން އަންގައިދޭ ކާޑު ގެންދިއުމުންނެވެ.
އެ ޕްރޮމޯޝަންގެ ދަށުން އެމްއާރް އައި، ސީޓީ ސްކޭން (ބްރެއިން ސްކޭން ނުހިމަނާ)، މެމޯގްރާމް، ފައިބްރޯސިސް ސްކޭން، ލެބޯޓްރީ ޚިދުމަތްތައް، ރޫމް ޗާޖް، އަދި ޕްރިމިއާ ސެންޓަރުގެ ހިދުމަތުން 10 ޕަސެންޓް ޑިސްކައުންޓް ލިބޭނެ އެވެ.
މި ޕްރޮމޯޝަން އަންނަ އަހަރުގެ މާޗް މަހުގެ ނިޔަލަށް ކުރިއަށް ދާނެ އެވެ.
ނަވަލޯކާ ހޮސްޕިޓަލާ ގުޅިގެން ސްރީލަންކަން އެއާލައިންސް ވަނީ މި މަހުގެ ތެރޭގައި އައްޑޫގައި މެޑިކަލް ކޭމްޕެއް ވެސް ބާއްވައިފަ އެވެ.