ޝްރަދާ ކަޕޫރާއި ރާޖްކުމާރް ރާއޯގެ ޖޯޑް ސްކްރީނުން އެކުގައި ބަލާލަން ބޭނުންވާ މީހުން ދެން މާ ގިނަ ދުވަހަކަށް އިންތިޒާރު ކުރާކަށް ނުޖެހޭނެ އެވެ. ހުނަރުވެރި މި ދެ ތަރިން މިހާރު ވަނީ އެއް ފިލްމަކަށް ސޮއިކޮށްފަ އެވެ.
މި ފިލްމަކީ މި އަހަރު ރިލީޒް ކުރި "ރާބްތާ" ގެ ޑައިރެކްޓަރު ދިނޭޝް ވިޖަން ޕްރޮޑިއުސްކޮށް، ރާޖް އެންޑް ޑީކޭ ޑައިރެކްޓް ކުރާ ހޮރޯ ކޮމެޑީއެކެވެ. ފިލްމްގެ ނަން އިއުުލާންކޮށް ނުވާ އިރު، މީގެ ޝޫޓިން އަންނަ މަހުގެ ތެރޭގައި ފަށަން ވަނީ ތާވަލްކޮށްފަ އެވެ.
ރާޖް އެންޑް ޑީކޭ އެންމެ ފަހުން ގެނެސް ދިނީ މި އަހަރު ރިލީޒް ކުރި "ދަ ޖެންޓްލްމަން" އެވެ.
Very excited to share that I’ll be working with 1 of my favourite actors @RajkummarRao & the hilarious director duo Raj & DK for a 1st of its kind horror-comedy!? @MaddockFilms
— Shraddha (@ShraddhaKapoor) December 6, 2017
މި ފަހަކަށް ވެސް ވަރަށް މޮޅެތި ފިލްމްތައް ކުޅެމުން އަންނަ ރާޖްކުމާރްއާ އެކު، މަސައްކަތްކޮށްލަން ލިބުމުން ޝްރަދާ އެކަމާ އުފާކޮށް ޓްވީޓް ވެސްކޮށްފަ އެވެ.
"ބާހްބަލީ" ގެ އެކްޓަރު ޕްރަބާސްއާ އެކު މިހާރު "ސާހޯ" ކުޅެމުން އަންނަ ބަތަލާ ބުނީ އޭނާގެ އެންމެ ފެވަރިޓް އެއް އެކްޓަރާ އެކު މަސައްކަތްކޮށްލަން ފުރުސަތު ލިބުމުން ވަރަށް އުފާވެފައި ހުރި ކަމަށެވެ.
Super excited to be part of out-of-the-box, raucous horror-comedy! With the super amazing @ShraddhaKapoor. Collaborating with my awesome producer #Dinoo @MaddockFilms, the coolest & quirky duo Raj & DK @krishdk & national award-winning @amarkaushik. Can’t wait to begin.
— Rajkummar Rao (@RajkummarRao) December 6, 2017
ރާޖްކުމާރްގެ ފިލްމް "ނިއުޓަން" އިންޑިއާ އިން މި އަހަރު އޮސްކާ އަށް ވާދަ ކުރާ ފިލްމަކަށް ހޮވިފައިވާ އިރު، އޭނާ މިހާރު އަންނަނީ އައިޝަވާރިޔާ ރާއީއާ އެކު "ފެނީ ހާން" ގެ މަސައްކަތް ކުރަމުންނެވެ.
ޝްރަދާއާ އެކު ފިލްމެއް ކުޅެން ފުރުސަތު ލިބުމުން ރާޖްކުމާރް ވެސް ވަނީ ޓްވިޓާގައި އެކަމުގެ އުފާ ފޭނުންނާ ހިއްސާކޮށްފަ އެވެ.