ރާއްޖެއަށް މިހާރު ކުރަމުންދާ ވިއްސާރާގައި ކުރިއަށް އޮތް 24 ގަޑިއިރު އައްޑޫއަށް ގުގުރުމާއިއެކު ބޯކޮށް ވާރޭވެހޭނެ ކަމަށް ލަފާކުރެވޭ ކަމަށް ނޭޝަނަލް މީޓިއޮރޮލޮޖިކަލް ސެންޓަރ(މެޓް އޮފީސް) އިން ބުނެފި އެވެ.
މެޓް އޮފީހުން ބުނީ އިރު ދެކުނުގެ ބޭ އޮފް ބެންގާލްގައި މިހާރު އުފެދިފައިވާ ލޯޕްރެޝަރ އަދި ޑިޕްރެޝަން އަކަށް ބަދަލުވެފައިނުވާކަމަށެވެ. އަދި އެ ސަރަޙައްދަށް ތޫފާނެއް އެރި ނަމަވެސް އެ ތޫފާނުގެ ރާއްޖެއަށް ނުކުރާނެކަމަށްވެސް މެޓް އޮފީހުން ބުނެއެވެ.
އައްޑޫގެ އިތުރުން ހުވަދު އަތޮޅަށް ވެސް ވިއްސާރަ ކުރާނެ ކަމަށް މެޓް އޮފީހުން ވަނީ ލަފާކޮށްފައެވެ.
ރާއްޖެއަށް މިހާރުކުރަމުންދާ ވިއްސާރައިގައި ގދ. އަތޮޅުގެ ބައެއް ރަށްތަކުގައި ފެންބޮޑުވެ، ގެތަކަށް ފެންވަދެ ގެއްލުންތައް ވަނީ ލިބިފައެވެ.