ދާދި ފަހުން ކައިވެނި ކުރި ބޮލީވުޑްގެ ބަތަލާ ސަގަރިކާ ކަގްތޭ އާއި މަޝްހޫރު ކްރިކެޓް ކުޅުންތެރިޔާ ޒަހީރް ހާން ހަނީމޫން ހަދާލާން ރާއްޖެ އަތުވެއްޖެ އެވެ.
އެ ދެ މީހުން ހަނީމޫން ހޭދަ ކުރަނީ އަޔާޑާ މޯލްޑިވްސް ރިސޯޓްގަ އެވެ. ސަގަރިކާ ވަނީ ރިސޯޓްގެ ބީޗް ވިލާއެއްގެ ޑެކްމަތީގައި ފިރިމީހާ އަރާމްކޮށްލަން އޮއްވައި ނަގާފައިވާ ފޮޓޯއަކާއި ރެސްޓޯރަންޓް މެނޫއެއް ބަލަން އިން ފޮޓޯއެއް މިއަދު އިސްޓަގްރާމްކޮށްފަ އެވެ.
ޒަހީރާއި ސަގަރިކާ ކައިވެނި ކުރީ މިދިޔަ މަހުގެ 27 ގަ އެވެ.
ސަގަރިކާއާ ކައިވެނި ކުރުމުގެ ކުރިން ޒަހީރު ވަނީ "ކިސްނާ" އާއި "ލަކް ބައި ޗާންސް" ފަދަ ފިލްމްތައް ކުޅެފައިވާ އީޝާ ޝަރްވާނީއާ ވެސް ގިނަ ދުވަސްތަކެއް ވަންދެން ރައްޓެހިވެގެން އުޅެފަ އެވެ.
ސަގަރިކާއަކީ "ޗަކް ދޭ އިންޑިއާ" އާއި "ރަޝް" އަދި މި އަހަރު ރިލީޒްވި "އިރާދާ" ފަދަ ފިލްމްތައް ކުޅެފައިވާ ބަތަލާ އެވެ.