މިއަދު ހުކުރު ނަމާދަށް ފަހު އިސްލާމީ މަރުކަޒުގެ ބޭރުގައި ދުއާ ކުރަން ހުއްޓައި، ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފްގެ ބައްޕަ މުހައްމަދު ހައްސާން މިއަދު ފުލުހުން ހައްޔަރުކޮށްފި އެވެ.
މީގެ ކުރިން ވެސް އިސްލާމީ މަރުކަޒުގައި އިސްވެ ހުރެ ދައުލަތުގެ އިސްވެރިންގެ މައްޗަށް ބަދު ދުއާ ކުރި ކަމުގެ ތުހުމަތުގައި ހައްސާން ހައްޔަރުކޮށްފައިވެ އެވެ. އަދި އެ މައްސަލާގައި އިއްޔެ އޭނާ ފުލުސް އޮފީހަށް ވެސް ހާޒިރުކޮށް ސުވާލު ވެސް ކޮށްފައިވެ އެވެ.
Yesterday my father was summoned to police, accused of praying for the end of President Yameen's dictatorship and today the Police have arrested him inside the Holy Mosque while praying. Sad, but I know he will be strong and won’t be intimidated so easily pic.twitter.com/9H8PSH7nPX
— Ahmed Mahloof (@AhmedMahloof) December 8, 2017
މަންޒަރު ދުށް މީހުން ބުނި ގޮތުގައި ހުކުރު ނަމާދަށް ފަހު އިސްލާމީ މަރުކަޒު ބޭރުގައި ދުއާ ކުރަން ހުއްޓާ ފުލުހުން ހައްސާން ގެންދިޔައީ ދެ އަތުގައި ހިފައި، ދަމާފައި ކަހަލަ ގޮތަކަށެވެ. އަދި އޭނާ ހައްޔަރުކޮށްގެން ގެންދަން ފެށުމުން އެތަނުގެ ގިނަ ބަޔަކު ހަޅޭއްލަވައި ހެދި އެވެ.
ބައްޕަ ހައްޔަރު ކުރުމާ އެކު ރާއްޖޭން ބޭރުގައި މިހާރު ހުންނެވި މަހުލޫފް ކުރެއްވި ޓްވީޓެއްގައި ވިދާޅުވީ ބައްޕައަކީ ހިތްވަރުގަދަ މީހެއް ކަމަށެވެ. އަދި އެހާ ފަސޭހައިން ބިރުގަނެ ފަސްޖެހޭނެ މީހެއް ނޫން ކަމަށް ބުނެފަ އެވެ.