ސަންޖޭ ދަތުގެ ކުރިއަށް އޮތް ފިލްމް "ތޯރްބާޒް" ގެ ބަތަލާއަކަށް ނަރްގިސް ފަޙްރީ ހަމަޖައްސައިފި އެވެ.
ރިޕޯޓްތައް ބުނާ ގޮތުން ފަހަކަށް އައިސް ފިލްމީ މަސައްކަތްތަކާ ދުރުގައި ލޮސް އެންޖެލިސްގައި ދިރިއުޅެމުން އަންނަ ބަތަލާ މިހާރު ހުރީ ސަންޖޭއާ އެކު ފިލްމްގެ ޝޫޓިން އަށް އަފްގާނިސްތާންގެ ބިޝްކެކްގަ އެވެ.
ފާހަގަކޮށްލެވޭ ކަމަކީ ސަންޖޭއާ އެކު، ނަރްގިސް ފުރަތަމަ ފަހަަރަށް ސްކްރީން ހިއްސާ ކުރާ އިރު، ސަންޖޭގެ މަންމަ އަދި ކުރީގެ މަޝްހޫރު ބަތަލާގެ ނަމަކީ ވެސް ނަރްގިސް ކަމެވެ.
"ތޯރްބާޒް" އަކީ އަފްގާނިސްތާންގައި ޖާނުން ފިދާވުމުގެ ހަމަލާތައް ދޭ ކުޑަކުދިންގެ ވާހަކަ ކިޔައިދޭ ފިލްމެކެވެ. މި ފިލްމްގެ ޕްރޮޑިއުސަރުންނަކީ ރާޖޫ ޖައްދާ އާއި ރާހުލް މިތުރާ އެވެ.
ރިޕޯޓްތައް ބުނާ ގޮތުން ސަންޖޭ ޖަލުގައި ހޭދަ ކުރި ދުވަސްތަކުގައި އޭނާ ލިޔުނު އެތައް ސަތޭކަ ޅެމުގެ ތެރެއިން "އޯ މޭރީ އާގަން ކީ ޗިޅީޔާ ހޭ ތޫ" ލަވައެއްގެ ގޮތުގައި "ތޯރްބާޒް" ގައި ހިމަނަން ވެސް ވަނީ ނިންމައިފަ އެވެ.