ވިލާ ކޮލެޖުން 2018 ވަނަ އަހަރު ފަށާ ކޯސްތަކަށް ކުރިމަތިލުމުގެ މުއްދަތު އިތުރުކޮށްފި އެވެ.
ވިލާ ކޮލެޖުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ވައިސް ރެކްޓާ ޑރ. އަލީ ނަޖީބު ވިދާޅުވި ގޮތުގައި އިތުރު ފުރުސަތެއް ދޭން ނިންމީ ގިނަ ދަރިވަރުންނަށް ފުރުސަތު ދިނުމުގެ ގޮތުން ކަމަށެވެ.
ނަޖީބު ވިދާޅުވި ގޮތުގައި އެ ކޮލެޖުން ޖެނުއަރީ މަހު ފަށާ ކޯސްތަކަށް ކުރިމަތިލުމުގެ މުއްދަތު ޖެނުއަރީ މަހުގެ 18 ގެ ނިޔަލަށް އޮންނާނެ ކަމަށެވެ.
ވިލާ ކޮލެޖުން މައުލޫމާތު ދޭ ގޮތުގައި ޖެނުއަރީ މަހުގެ 18 އާ ހަމައަށް ހުޅުވާލާފައި ވަނީ ސެޓްފިކެޓް ލެވެލް އާއި ފައުންޑޭޝަންގެ ކޯސްތަކަށް ކުރިމަތިލުމުގެ ފުރުސަތެވެ. ޑިޕްލޮމާއިން ފެށިގެން މާސްޓާސް ފެންވަރުގެ ކޯސްތަކަށް ކުރިމަތިލުމުގެ ފުރުސަތު އިތުރުކޮށްފައި ވަނީ 25 ޑިސެމްބަރުގެ ނިޔަލަށެވެ.
ނަޖީބު ވިދާޅުވި ގޮތުގައި އެޑިއުކޭޝަން މިނިސްޓްރީން އބުރާސްފަތި ދުވަހު 2050 ސްކޮލަޝިޕަށް އިއުލާނު ކުރާއިރު، އެ ކޮލެޖުން ވީހާ ވެސް ގިނަ ދަރިވަރުންނަށް ފުރުސަތު ދޭން ބޭނުންވާ ކަމަށެވެ.
ތަފާތު އެކި ދާއިރާތަކުން 83 އަށް ވުރެ ގިނަ ކޯސް ވިލާ ކޮލެޖްގައި އަންނަ ޖެހުއަރީ މަހު ފަށާނެ އެވެ.