ސިފައިންގެ އަސްކަރީ ތަމްރީނު ޕްރޮގްރާމެއް މި މަހު ގަމުގައި ބާއްވަން ތައްޔާރުވަމުން އަންނަ ކަމަށް އެމްއެންޑީއެފުން ބުނެފި އެވެ.
އެމްއެންޑީއެފްގެ ސަދަން އޭރިއާ ކޮމާންޑުން ބުނީ އެ ތަމްރީނު ކުރިއަށްދާ މި މި މަހުގެ 20 ވަނަ ދުވަހު ގަމުގެ ދެކުނު ފަޅީގައި ކަމަށެވެ.
ލައިވް ފަޔަރިން ތަމްރީނު ޕްރޮގްރާމް ކުރިއަށް ގެންދަން ހަމަޖެހިފައި ވަނީ އެ ދުވަހު ހަވީރު 4:00-6:00 އަށެވެ.
އެމްއެންޑީއެފުން ބުނީ މި މިޙަރަކާތުގައި ބޭނުން ކުރާ ބަޑީގެ ވަޒަން ދަތުރު ކުރާނީ ގަމުގެ ދެކުނު ފަޅިއަށް 2،000 މީޓަރު ދުރުމިނަށާއި ކަނޑުގެ ލޮނުގަނޑުން ފެށިގެން 10 މީޓަރުގެ އުސްމިނާ ދެމެދުގައި ކަމަށެވެ.
އައްޑޫގައި މިފަދަ ޓްރޭނިން ޕްރޮގްރާމްތައް އެމްއެންޑީއެފުން ކުރިން ވެސް ބާއްވާފައިވެ އެވެ.