އައްޑޫ ސިޓީގައި ހުރި ސަރުކާރުގެ ކުންފުނިތަކުގެ ވަޒީފާތަކަށް މީހުން ހޮވުމަށް ޕީޕީއެމްގެ އެކްޓިވިސްޓުން ހިމެނޭ ކޮމިޓީއެއް އެކުލަވާލުމަށް ފެނަކަ އައްޑޫ އޮފީހުގެ ޑިރެކްޓަރަކު އެދިއްޖެއެވެ.
'އައްޑޫލައިވް' އަށް އެނގިފައިވާ ގޮތުގައި މިގޮތަށް ފެނަކައިގެ ޑިރެކްޓަރު އެދިފައިވަނީ، ދާދިފަހުން އައްޑޫ ސިޓީއަށް ފަސްޓް ލޭޑީ ފާތިމަތު އިބްރާހިމް ކުރެއްވި ދަތުރުފުޅުގައި އެކަމަނާ އާއި އެކު ބޭއްވި ބައްދަލުވުމުގައެވެ.
ފެނަކަ އައްޑޫ އޮފީހުގެ ޑިރެކްޓަރު އެދުނީ ވަޒީފާތަކަށް މީހުން ވެއްދުމަށް ކުރާ އިންޓަވިއު އިން މާކްސް ލިބޭ މީހުންނަށް އެ ކޮމިޓީން ރުހުން ދޭ ގޮތަށް ބޭއްވުމަށެވެ.
އެ ބައްދުލުވުމުގައި ބައިވެރިވި ފަރާތަކުން ބުނި ގޮތުގައި، ފެނަކައިގެ ޑިރެކްޓަރު އެދުނީ ވަޒީފާތަކަށް މީހުން ވެއްދުމަށް ކުރާ އިންޓަވިއު އިން މާކްސް ލިބޭ މީހުންނަށް އެ ކޮމިޓީން ރުހުން ދޭ ގޮތަށް ބޭއްވުމަށެވެ. އެހެން ނަމަވެސް އެކަމާއި ބެހޭ ގޮތުން ވަކި އެއްޗެއް ފަސްޓް ލޭޑީ ވެސް އަދި އެ ބައްދަލުވުމުގައި ބައިވެރިވި ޕީޕީއެމް އިސް ފަރާތަކުން ވެސް ކޮމެންޓެއް ކޮށްފައެއް ނުވެއެވެ.
ސަރުކާރު ހިއްސާވާ ކުންފުނިތަކުގެ ވަޒީފާ ތަކަށް މީހުން ނެގުމުގައި ޕީޕީއެމް އެކްޓިވިސްޓުން ނުފޫޒު ފޯރުވާ ވާހަކަ އާއި އެމީހުންގެ މެދުގައި ވާދަވެރިކަން އޮވެއެވެ. ނަމަވެސް މިއީ މިހާ ފާޅުކަން ބޮޑު ގޮތެއްގައި ޕީޕީއެމް އެކްޓިވިސްޓުން މިފަދަ ކަމަށް އެދުނު ފުރަތަމަ ފަހަރުކަން ފާހަގަކޮށްލެވެއެވެ.