ސިއްހީ ދިރާސާ އެވޯޑަށް ނަން ހުށަހެޅުމުގެ ފުރުސަތު ހެލްތު މިނިސްޓްރީން ހުޅުވާލައިފި އެވެ.
ސިއްހީ ދާއިރާ އިން އެންމެ ފުރިހަމަ ދިރާސާއެއް ކޮށްފައިވާ ދިވެހިންނަށް އެކަން ފާހަގަ ކުރުމުގެ ގޮތުން ދެވޭ އެވޯޑެއް ނަން ހުށަހެޅުމުގެ ފުރުސަތު ފެބްރުއަރީ، 1، 2018 އާ ހަމައަށް އޮންނާނެ އެވެ.
ހެލްތު މިނިސްޓްރީން ބުނީ ފަދަ އެވޯޑެއް ދިނުމުގެ މައިގަނޑު މަގުސަދަކީ ރާއްޖޭގައި ސިއްހީ ދިރާސާ ކުރުމުގެ ސަގާފަތެއް ތަރައްގީކޮށް ރަނގަޅު ފެންވަރުގެ ދިރާސާ ކުރުމުގެ ރޫހެއް ދިރުވާ އާލާކުރުމާއި ދިރާސާ ކުރާ ފަރާތްތަކުގެ މަސައްކަތްތައް ކުރިއެރުވުމަށް ހިތްވަރު ދިނުން ކަމަށެވެ.
އެވޯޑަށް ޝަރުތު ހަމަވުމަށް ހުށަހަޅާ އެޕްލިކޭޝަނުން 70 ޕަސެންޓް ޕޮއިންޓް ލިބެން ޖެހޭނެ ކަމަށް ހެލްތު މިނިސްޓްރީން ބުންޏެވެ. މިއީ ހެލްތު މިނިސްޓްރީން މިފަދަ އެވޯޑެއް ދިނުމަށް އިއުލާނު ކުރި ފުރަތަމަ ފަހަރެވެ.