ރައްޔިތުންގެ މަޖިލީހުގެ އިހަވަންދޫ ދާއިރާގެ މެންބަރު މުހައްމަދު އަބްދުﷲ (މުހައްމާ) މާލެއިން ގެއެއް ބައްލަވައިގެންނެވި ގޮތާއި ބެހޭ ގޮތުން އެންޓި ކޮރަަޕްޝަން ކޮމިޝަން (އޭސީސީ) އިން އޭނާ އާއި ސުވާލުކޮށްފިއެވެ.
މައުލޫމާތު ލިބިފައިވާ ގޮތުގައި އޭސީސީއަށް ހާޒިރުކުރުމަށް ފަހު މުހައްމާ އާއި ސުވާލުކޮށްފައި ވަނީ މާލެއިން ގެއެއް ބައްލަވައިގަތުމަށް ޑައުންޕޭމަންޓުގެ ގޮތުގައި އޭނާ ދެއްކެވި 9 ލައްކަ ރުފިޔާ ހޯދި ގޮތަކާއި އަދި ހޯދި ތަނަކާއި ގުޅޭގޮތުންނެވެ.
މުހައްމާގެ މައްސަލަ މިހާރު ތަހުގީގުކޮށް ނިމިފައިވި ނަމަވެސް އޭނާގެ މައްޗަށޤ ދައުވާކުރަން ފޮނުވުމާއި މެދު އަދި އޭސީސީން ގޮތެއް ނުނިންމައެވެ.
މުހައްމާގެ އެހެން މައްސަލައެއް ވެސް މީގެ ކުރިން އޭސީސީން ތަހުގީގު ކުރިއެވެ. އެއީ އޭޓީއެމް މެދުވެރިކޮށް އަމިއްލަ އެކައުންޓަށް ދެލައްކަ ރުފިޔާ ޖަމާކުރި މައްސަލަ އެކެވެ.