ވަރުން ދަވަން އާއި ޝްރަދާ ކަޕޫރް އެކުގައި ކުޅުނު ފުރަތަމަ ފިލްމް "އޭބީސީޑީ 2" ވެގެން ދިޔައީ ވަރަށް ވެސް ކާމިޔާބު ފިލްމަކަށެވެ.
ދެހާސް ފަނަރާގައި ރެމޯ ޑި ސޫޒާ ޑައިރެކްޓްކޮށް ގެނެސް ދިން އެ ފިލްމަށް ފަހު، މީގެ ތިން ވަނަ ބައިން ވެސް އެ ދެ ތަރިން އެކުގައި ފެންނާނެ ކަމަށް އޮތީ ބެލެވިފަ އެވެ.
އެކަމަކު އޭގެ ކުރިން ވަރުން އާއި ޝްރަދާ އަނެއްކާ ވެސް އާ ފިލްމަކަށް ސޮއިކޮށް، އޭގެ މަސައްކަތް ފަށައިފި އެވެ. މި ފަހަރުގެ ފިލްމަކީ "ނަވާބްޒާދޭ" އެވެ.
މިއީ ރެމޯ އާއި ޓީ ސީރީޒްގެ ވެރިޔާ ބުޝަން ކުމާރް ޕްރޮޑިއުސްކޮށް ޖަޔޭޝް ޕްރަދާން ޑައިރެކްޓް ކުރާ ޑައިރެކްޓް ކުރާ ފިލްމެކެވެ.
ފިލްމާ ބެހޭ ބޮޑު ތަފުސީލެއް އަދި ހާމަކޮށްފައި ނެތަސް މަޝްހޫރު ފިލްމް ކްރިޓިކް ތަރަން އަދާޝް ވަނީ "ނަވާބްޒާދޭ" ގެ ލަވައެއްގެ ޝޫޓިންގެ ތެރެއިން ނަގާފައިވާ ފޮޓޯތަކާއެކު، ފިލްމްގެ ވާހަކަ އާންމުކޮށްފަ އެވެ.
Varun Dhawan and Shraddha Kapoor, the #ABCD2 pair, team up once again… This time for a song [#HighRatedGabru, sung by Guru Randhawa] in #Nawabzaade, directed by Jayesh Pradhan and presented by Bhushan Kumar and Remo D’souza… Check out pics of Varun and Shraddha from the song: pic.twitter.com/06IG0sXhrB
— taran adarsh (@taran_adarsh) December 29, 2017
މި ފިލްމްގެ މަަސައްކަތް ކުރިއަށްދާ އިރު، ޝްރަދާ މިހާރު އަންނަނީ "ބާހްބަލީ" ގެ އެކްޓަރު ޕްރަބާސްއާ އެކު "ސާހޯ" ވެސް ކުޅެމުންނެވެ.
ވަރުން ދާދި ފަހުން "އޮކްޓޯބާ" ގެ ޝޫޓިން ނިންމާލާފައިވާ އިރު، އޭނާ އަނުޝްކާ ޝަރްމާއާ އެކު ކުޅޭ "ސުއީ ދާގާ: މޭޑް އިން އިންޑިއާ" ގެ މަސައްކަތް ފެބްރުއަރީގައި ފަށާނެ އެވެ.
ޒުވާން ދެ ތަރިން ކަމަށްވާ ވަރުން އާއި ޝްރަދާ ޖޯޑަކީ ބެލުންތެރިންނަށް ވަރަށް ކަމުދިޔަ ޖޯޑެކެވެ. އެހެންވެ ދެ މީހުންގެ ކެމިސްޓްރީ "ނަވާބްޒާދޭ" އިން ވެސް ފެނިގެން ދާނެ ކަމަށް ގަބޫލު ކުރެވެ އެވެ.