ދުންފަތުގެ އިސްތިއުމާލު ކުރާ މީހުން އެ އަމަލު ހުއްޓާލަން ބޭނުން ނަމަ އީ-ސިގިރެޓް މެދުވެރިކޮށް އެކަން ހުއްޓާލަން އެހީތެރިވެ ވެދޭނެ ކަމަށް ދިރާސާއަކުން ދައްކައިފި އެވެ.
އެމެރިކާގެ މެޑިކަލް ޔުނިވަސިޓީ އޮފް ސައުތު ކެރޮލައިނާ (އެމްޔޫއެސްސީ) އިން ހެދި ޕައިލެޓް ދިރާސާއާ ބެހޭ ގޮތުން ޕްރޮފެސަރު މެތިއު ކާޕެންޓާ ވިދާޅުވީ އާ ހޯދުމާ އެކު އީ-ސިނގިރެޓާ ދޭތެރޭ ކުރިން ދެކެމުން އައި ގޮތް ބަދަލުވުމުގެ ފުރުސަތު ވެސް އެބަ އޮތް ކަމަށެވެ.
އޭނާ ވިދާޅުވި ގޮތުގައި އާންމުކޮށް ބޭނުން ކުރާ ފިލްޓަ ސިނގިރެޓުން ހަށިގަނޑަށް އެތެރެވާ ނިކޮޓިންގެ މިންވަރަށް ވުރެ އީ-ސިނގިރެޓުން އެތެރެވާ ނިކޮޓިންގެ މިންވަރު ވެސް ދަށެވެ.
އަދި ދުންފަތުގެ އިސްތިއުމާލުކޮށްގެން ކުރިމަތިވާ ބަލިތަކުގެ ތެރޭގައި ހިމެނޭ ކެންސަރާއި އެ ނޫން ވެސް ބަލިތައް ޖެހުމުގެ ފުރުސަތު ކުޑަކޮށްދޭ ކަމަށް މެތިއު ވިދާޅުވި އެވެ.
"އީ-ސިނގިރެޓް ބޭނުން ކުރުމުން ދުންފަތުގެ އިސްތިއުމާ ކުރާ ވައްޓަފާޅި އާއި އޭގެ އާދަތަކަށް ވެސް ބަދަލުތަކެއް ގެނުވާ. މީގެ ސަބަބުން ދުންފަތުގެ އިސްތިއުމާލު ކުރުމުން ދުރުކޮށް ދިނުމަށް ބާރު ވެސް އަޅާ،" އޭނާ ވިދާޅުވި އެވެ.