ޝާހްރުކް ހާންގެ ކުރިއަށް އޮފް ފިލްމް "ޒީރޯ" ގައި އޭނާ ފެންނާނީ ޑްވާފެއްގެ ރޯލުންނެވެ. މާނައަކީ އެ ފިލްމްގައި އޭނާ ފެނިގެން ދާނީ އިސްކޮޅުން ވަރަށް ކުރި މީހެއްގެ ރޯލުންނެވެ. އެހެންވެ އޭނާ އެ ފިލްމުން ފެންނާނެ ގޮތް ތަޖުރިބާކޮށްލާށެވެ.
"ޒީރޯ" ގެ ފުރަތަމަ ޓީޒާ ޓްރެއިލާ މިހާރު ވަނީ ދައްކާލައިފަ އެވެ. ވަރަށް ވެސް ތަފާތު ގޮތަކަށް ފިލްމްގައި ޝާހްރުކް ފެނިގެންދާ އިރު، މި ފިލްމަކީ "ތަނޫ ވެޑްސް މަނޫ" އާއި "ރާންޖަނާ" ފަދަ ކާމިޔާބު ފިލްމްތައް ޑައިރެކްޓްކޮށްފައިވާ އާނަންދް އެލް ރާއީ ޑައިރެކްޓްކޮށްފައިވާ ފިލްމެކެވެ.
ބަތަލާއިންގެ ގޮތުގައި އަނުޝްކާ ޝަރްމާ އާއި ކެޓްރީނާ ކެއިފް ފެނިގެންދާ "ޒީރޯ" ސިނަމާތަކަށް އަންނަން އަދި ވަރަށް ދުވަސް އެބަ އޮތެވެ.
އެ ފިލްމް ރިލީޒް ކުރާނީ މި އަހަރުގެ ޑިސެމްބަރު މަހުގެ 21 ވަނަ ދުވަހު އެވެ.
ޝާކްރުކްގެ ރެޑް ޗިލީޒް އާއި އާއި އާނަންދް ގުޅިގެން ހަދާ "ޒީރޯ" އަކީ މިހާތަނަށް ހިންދީ ފިލްމަކުން ފެންނާނެ އެންމެ ވަރުގަދަ ވިއެފްއެކްސް ފެނިގެން ދާނެ ފިލްމް ކަމަށް ޝާހްރުކް ބުންޏެވެ. ހާއްސަކޮށް އޭނާ ލުކަށް ކުރަން ޖެހޭ މަސައްކަތް ގިނަ އެވެ.
"ޒީރޯ" އަށް މިހާރު ވެސް ގިނަ ބަޔަކު ކެތްތެރި ކަމެއް ނެތި އިންތިޒާރު ކުރަމުން އަންނަ އިރު، ޝާހްރުކާ އެކު މީގެ ކުރިން ފިލްމް ކުޅެފައިވާ ވަރަށް ގިނަ ބަތަލާއިން މީގެ ހާއްސަ ފެނިލުންތަކުން ވެސް ފެނިގެން ދާނެ އެވެ.