އަނިޔާވެެރިކަމާއި ދެކޮޅަށް ދުއާކޮށްގެން ހައްޔަރު ކުރި އަހުމަދު ފަރްހާން (ފަރާ) ގެ މައްޗަށް ދައުލަތުން ކުރި ޤާނޫނު ތަންފީޒު ކުރާ މުވައްޒަފެއްގެ މަސައްކަތަށް ޤަސްދުގައި ހުރަސް އެޅުމުގެ ކުށުގެ ދައުވާ ސާބިތު ނުވާކަމަށް ހިތަދޫ މެޖިސްޓްރޭޓް ކޯޓުން ހުކުމްކޮށްފިއެވެ.
ހިތަދޫ މެޖިސްޓްރޭޓް ކޯޓުން ފަރާގެ މައްޗަށް އެ ދައުވާ ސާބިތު ނުވާ ކަމަށް ހުކުމް ކުރިކަން ހިތަދޫ ކޯޓުގެ އޮފިޝަލަކު ވެސް ވަނީ ކަށަވަރުކޮށް ދެއްވާފައެވެ.
އެހެން ނަމަވެސް އެ ހުކުމާއި ގުޅޭ މާބޮޑު ތަފްސީލެއް އަދި ވަނީ ލިބޭގޮތް ނުވެފައެވެ.
ފަރާގެ މައްޗަށް ދައުލަތުން އުފުލާފައި ވަނީ ޤާނޫނު ތަންފީޒު ކުރާ މުވައްޒަފެއްގެ މަސައްކަތަށް ޤަސްދުގައި ހުރަސް އެޅުމުގެ ކުށުގެ ދައުވާ އުފުލާފައި ވަނީ، އޯގަސްޓް، 12، 2016 ގައި ހިތަދޫ ފަޒާ މިސްކިތުގައި ހުކުރު ނަމާދަށް ފަހު ދުއާ ކުރަން ހުއްޓައި ހައްޔަރު ކުރުމަށް ފަހުއެވެ.
ފަރާ އަކީ އައްޑޫގައި އެމްޑީޕީގެ ހަރަކާތްތަކުގައި އިސްކޮށް ހަރަކާތްތެރިވާ ފަރާތެކެވެ. ފުލުހުންގެ ބެލުމުގެ ދަށައް ފަރާ ގެންދިޔަ ދުވަހު އޭނާގެ އިތުރުން އެތައް ބަޔަކު އަނިޔާވެރިކަމާއި ދެކޮޅަށް ދުއާކުރަން ހިތަދޫ ފަޒާ މިސްކިތުގެ ބޭރުގައި ތިބިއެވެ.