ޝާހިދު ކަޕޫރް ބަތަލުގެ ރޯލް ކުޅޭ ފިލްމް "ބައްޓީ ގުލް މީޓަރު ޗާލޫ" ގެ ބަތަލާއިންނާ ބެހޭ ގޮތުން ތަފާތު ވާހަތަކެއް ދެކެވެމުން ދަނިކޮށް، އޭނާއާ އެކު އެ ފިލްމުން ފެނިގެން ދާނީ ޝްރަދާ ކަޕޫރާއި ޔަމީ ގޯތަމްކަން ކަށަވަރުވެއްޖެ އެވެ.
ކުރިން އަޑު އަރާފައިވާ ގޮތުން ބަތަލާއިންގެ ރޯލަށް ކެޓްރީނާ ކެއިފް، އިލިއާނާ ޑި ކްރޫޒް އަދި ވާނީ ކަޕޫރް ފަދަ ބަތަލާއިން ގެންނަން މަސައްކަތްކޮށްފައިވެ އެވެ.
މިދިޔަ އަހަރުގެ އެންމެ ކާމިޔާބު އެއް ފިލްމް ކަމަށްވާ "ޓޮއިލެޓް: އޭކް ޕްރޭމް ޙަތާ" ގެ ޑައިރެކްޓަރު ޝްރީ ނާރަޔަން ސިންގް ލިޔެ، ޑައިރެކްޓް ކުރާ "ބައްޓީ ގުލް މީޓަރު ޗާލޫ" ގެ އެއް ބަތަލާ ޔަމީ ވަނީ ލިބުނު ފުރުސަތާ އެކު، ފިލްމްގެ ޓީމަށް ޝުކުރު ވެސް އަދާކޮށްފަ އެވެ.
Super happy to commence this special journey with @kriarj on ‘ Batti Gul Meter Chalu ‘ 🙂 Really excited for this one #Prerna #Shree @shahidkapoor @ShraddhaKapoor ??
— Yami Gautam (@yamigautam) January 6, 2018
މި ފިލްމްވެގެން ދާނީ ޝާހިދާއާ އެކު ޔަމީ ކުޅޭ ފުރަތަމަ ފިލްމަށެވެ. އޭނާ ފެނިގެން ދާނީ ލޯޔަރެއްގެ ރޯލުންނެވެ.
"ބައްޓީ ގުލް މީޓަރު ޗާލޫ" އަކީ ޝާހިދާއި ޝްރަދާ އެކުގައި ފެނިގެން ދާނެ ދެވަނަ ފިލްމެވެ. އެ ދެ ތަރިން ކުރިން ވަނީ ވިޝާލް ބަރަދްވާޖްގެ ހައިދަރް (2014) ގައި މަސައްކަތްކޮށްފަ އެވެ.
Great to have you on board. ?? https://t.co/A4zNRut2Zv
— Shahid Kapoor (@shahidkapoor) January 6, 2018
ކްރިއާޖް އެންޓަޓައިންމަންޓުން ޕްރޮޑިއުސް ކުރާ "ބައްޓީ ގުލް މީޓަރު ޗާލޫ" މި އަހަރުގެ އޮގަސްޓް 31 ގައި ރިލީޒް ކުރަން ތާވަލުކޮށްފައިވާ އިރު، ފިލްމްގެ ޝޫޓިން އަންނަ މަހު ފަށާނެ އެވެ. އަދި މެއި މަހުގެ ތެރޭގައި ޝޫޓިން ނިމޭނެ އެވެ.
މި ފިލްމަކީ އިންޑިއާގައި ކަރަންޓް ބިލް ބޮޑުވާ މައްސަލަ އަށް ބިނާކޮށްގެން ހަދާ ފިލްމެކެވެ.