އައްޑޫގެ ގުޅިފައިވާ ރަށްތަކަށް ކަރަންޓުގެ ޚިދުމަތް ދޭ އިންޖީނުގޭގެ ޖަނެރޭޓަރުތަކަށް ލޯޑު ދަށްކުރުމުގެ ގޮތުން ހިތަދޫގެ ބޮޑު ބަޔަކުން ކަރަންޓު ކަނޑާލައިފި އެވެ.
މިވަގުތު ކަރަންޓު ކަނޑާލާފައި ވަނީ ހިތަދޫ އުތުރު ދާއިރާ އިންނެވެ. ފެނަކަ އައްޑޫ އޮފީހުގެ އޮފިޝަލަކު 'އައްޑޫލައިވް' އަށް މައުލޫމާތު ދެމުން ބުނިގޮތުގައި ކަރަންޓް ކަނޑާލީ ލޯޑް މަތިވެގެން ކަމަށެވެ.
ފެނަކަ އިން ގެންދަނީ 2018 ވަނަ އަހަރު ފެށިގެން ކޮންމެ ރެއަކު ވެސް އައްޑޫގެ ގުޅިފައިވާ ރަށްތަކުގެ ބޮޑު ބަޔަކުން ކަރަންޓު ކަނޑަމުންނެވެ. އެގޮތުން ލޯޑުމަތިވާ ވަގުތުތަކުގައި ކަރަންޓު ކަނޑަނީ ކޮންމެ ސަރަހައްދަކުން ވެސް 1 ގަޑިއިރަށެވެ.
އެހެން ނަމަވެސް ބައެއް ފަހަރު ކަރަންޓު ނުލިބި ގަޑިއިރަކަށް ވުރެ ގިނަ އިރު ވާކަން ފާހަގަކޮށްލެވެ އެވެ.