ޑޮކްޓަރުންގެ ދުވަސް އައްޑޫގައި ރޭ ވަރަށް ކުލަ ގަދަކޮށް ފާހަގަކޮށްފި އެވެ.
މި ދުވަސް ފާހަގަ ކުރުމުގެ ގޮތުން ސ. ހިތަދޫ ރީޖަނަލް ހޮސްޕިޓަލް (އެޗްއާރްއެޗް) މެނޭޖްމެންޓާއި ޑޮކްޓަރުން ގުޅިގެން އަމިއްލަ އިސް ނެގުމާ އެކު ހޮސްޕިިޓަލުގް ނަރުހުން އަދި އޯޕީޑީ ގެ މުވައްޒަފުން ގުޅިގެން ޑޮކްޓަރުންގެ ދުވަސް ފާހަގަ ކުރުމުގެ ހަރަކާތް ރޭ ބާއްވާފައި ވަނީ ޝަރަފުއްދީން ސްކޫލްގަ އެެވެ.
ގުރުއާންގެ ބަރަކާތުން ފެށިގެން ދިޔަ މި ޖަލްސާގައި ގުރުއާން ކިޔަވާ ވިދާޅުވެ ދެއްވީ ހޮސްޕިޓަލުގެ ކުޑަ ކުދިންގެ ޑޮކްޓަރު ޑރ. ވާލީ މުޙަންމަދު އެވެ.
ސްޓާފް ނާސް ރިފްއަތު ސައީދު އަދި މެޑިކަލް އޮފިސަރު ޑރ. ސުނިލް ކުމާރު ހުށަހެޅި މި ޙަފްލާގައި ހޮސްޕިޓަލް ހިންގެވުމާ ހަވާލުވެ ހުންނެވި އަބުދުﷲ ސައީދު އަދި މެޑިކަލް އޮފިސަރު އިންޗާޖް ވާހަކަފުޅު ދެއްކެވި އެވެ.
ޢަބުދުﷲ ސަޢީދުގެ ވާހަކަ ފުޅުގައި ޑޮކްޓަރުން އެ ބޭފުޅުންގެ އާއިލާ އާ ވަކިން ދުރުގައި ތިއްބަވައިގެން ދެއްވަމުން ގެންދަވާ މަސައްކަތުގެ އަގު ވަޒަން ކުރައްވައި ޑޮކްޓަރުންނަށް ހިތްވަރު ދެއްވައި ވާހަކަފުޅު ދެއްކެވި އެވެ. އަދި މި އަހަރުގެ ބަޖެޓުގެ ދަތިކަން ދަނެގެން އެ ބަޖެޓުގެ ތެރެެއިން ވީހާ ވެސް ރަނގަޅު ޚިދުމަތެއް ރައްޔިތުންނާ ހަމައަށް ފޯރުކޮށް ދިނުމަށް އެދިވަޑައިގެންނެވި އެވެ.
ޑރ. ޒުލްފިގާރު ވެސް ހުރިހާ ޑޮކްޓަރުން ރެއާ ދުވާލު ކުރައްވާ ބުރަ މަސައްކަތުގެ އަގު ވަޒަން ކުރައްވަައި ވާހަކަ ދެއްކެވި އެވެ. އަދި މި އަހަރު އިތުރު ކާމިޔާބީތައް ހޯދުމަށް ގުޅިގެން މަސައްކަތް ކުރެއްވުމަށް އެދިލެއްވި އެވެ.
މި ހަފުލާގައި ޝަރަފުއްދީން ސްކޫލްގެ ޑެޕިއުޓީ ޕްރިންސިޕަލް ހަސަން ޒަރީރު ވެސް ވާހަކަ ދެއްކެވި އެވެ. ޒަރީރުގެ ވާހަކާގައި ހޮސްޕިޓަލުގެ ހުރި ވަސީލަތްތައް ބޭނުންކޮށްގެން ޑޮކްޓަރުން ދެއްވާ ފަރުވާއަކީ އެ ވަސީލަތްތަކުގެ ބޭނުން ކޮށްގެން ދެވޭނެ އެންމެ ރަނގަޅު ފަރުވާ ކަމަށް އަމިއްލަ އަށް ގަބޫލުފުޅު ކުރައްވާ ކަމަށް ވިދާޅުވި އެވެ.
ޒަރީރު އިތުރަށް ވިދާޅުވީ އަމިއްލަ އަށް ވަރަށް ބޮޑަށް ބަލިވެގެން ދިއުމުން ހޮސްޕިޓަލުން އޭނާ އާ މެދު ކަންތައް ކުރެއްވި ގޮތާ މެދު ވަރަށް ހިތްހަމަޖެހޭ ކަމަށާއި ، ދިމާވާ ބައެއް ކުދި މައްސަލަތަކުގައި ޑޮކްޓަރުންނަށް އެއްބާރުލުން ދިނުމަށް ވެސް ޒަރީރު އެދިލެއްވި އެވެ.
އަދި މުޖުތަމައުގައި ޑޮކްޓަރުންގެ އަގު ވަޒަންކޮށް ހިތްވަރުދީ އަޅުގަނޑުމެން ބާއްވާ ތަފާތު ހަފުލާތަކުގައި ވެސް ޑޮކްޓަރުންނަށް ދައުވަތު ދެއްވައި މުޖުތަމައުގެ އެއްބާރުލުން ދެއްވުމަކީ ވަރަށް ބޭނުންތެރި ކަމެއް ކަމަށް ޒަރީރު ވިދާޅުވި އެވެ.
މި ހަފުލާގައި މުނި ފޫހިފިލުވުމުގެ ގިނަ ހަރާކާތްތަކެއް ވެސް ކުރިއަށް ގެންދެވުނެވެ. އެގޮތުން ހޮސްޕިޓަލުގެ ލޮލުގެ ޚައްސަ ޑޮކްޓަރުު ޑރ. ޖީތެންދުރާ، މެޑިކަލް އޮފިސަރު ސުނިލް ކުމާރު، ޑެންޓިސްޓް ޑރ. އާކާޝް، މެޑިކަލް އޮފިސަރު އިންޗާޖް ވަރަށް ރީތި ހިތްގައިމު ހިންދީ ލަވަތައް ހުށަހެޅުއްވި އެވެ. މީގެ އިތުރުން ޑރ. ސުނިލްގެ ޑާންސް އައިޓަަމް ވެސް ފާހަގަކޮށްލެވެ އެވެ.
ހޮސްޕިޓަލްގެ ރެޖިސްޓްރޭޝަނުގެ މުވައްޒަފުންގެ ފަރާތުން ހުށަހެޅި ޑާންސެއް ވެސް ފާހަގަކޮށްލެވެ އެވެ. މި ޑާންސްގައި އިސްކޯސް ހަރަކާތްތެރިވީ ރެޖިސްޓްރޭޝަންގެ މުވައްޒިފެއް ކަަމަށްވާ ޝިނާ ޚާލިދު އެވެ.
މީގެ އިތުރުން ރެޖިސްޓްރޭޝަންގެ މުވައްޒަފުންގެ ފަރާތުން ޑޮކްޓަރުންނަށް ހަދިޔާ ދެވުންވެސް އޮތެވެ. މި އައިޓަމް ފުރިހަމަކޮށް ދެއްވީ އަލީ މޫސާ އެވެ.
މީގެ އިތުރުން މި ހަފުލާ އިންތިޒާމު ކުރި ފަރާތްތަކަށް ވެސް އިނާމާއި ސެޓްފިކްޓް ދީފައިވެ އެވެ. މިއައިޓަމް ފުރިހަމަކޮށް ދެއްވީ ޝާހު ސައީދު އާއި އަބްދުﷲ ސަޢީދު އަދި ހަސަން ޒަރީރު އެވެ.
ރޭގަނޑުގެ ކެއުމަކުން ޑޮކްޓަރުންގެ ދުވަހުގެ އުފާވެރި ކުލަގަދަ ހަފުލާ ނިންމާލުމުގެ ކުރިން 2014 ވަނަ އަހަރުގެ ޑޮކްޓަރުންގެ ދުވަސް މިއަށް ވުރެ ފުރިހަމަ އަށް އިންތިޒާމު ކުރުމަށް ހޮސްޕިޓަލްގެ ރެޖިސްޓްރޭޝަންގެ ހުރިހާ މުވައްޒަފުން އިސް ނަގައިގެން ކުރާނެ ކަމަށް ޑޮކްޓަރުންނަށް ޔަގީންކަން ދީފައިވެ އެވެ.
ރޭގެ ހަފުލާ އިންތިޒާމު ކުރުމުގައި އިސްކޮށް ހަރާކާތްތެރިވީ ރަޖިސްޓްރޭޝަން ސްޓާފް އަޒުނީނާ ހަބީބު އެވެ.