ކުރީގެ ރައީސް މައުމޫން އަބްދުލް ޤައްޔޫމް ދިރިއުޅުއްވާ ގެކޮޅަށް ވަންނަ ހުރިހާ މީހުންގެ ނަން ނޯޓުކުރަން އެމްއެންޑީއެފުން ފަށައިފިއެވެ.
މައުލޫމާތު ލިބިފައިވާ ގޮތުގައި ހޯމަ ދުވަހުން ފެށިގެން ރައީސް މައުމޫން މިހާރު ދިރިއުޅުންވާ ގެކޮޅުކަމަށްވާ އެންދެރިމާގޭގެ ސެކިއުރިޓީ އެމްއެންޑީއެފުން ވަނީ ހަވާލުވެފައެވެ. މައުމޫނުގެ އަރިސް ބޭފުޅަކާއި ހަވާލާދީ، 'ރާއްޖެއެމްވީ' ގައި ރިޕޯޓްކޮށްފައިވާ ގޮތުގައި މައުމޫން ދިރިއުޅުއްވާ ގެކޮޅުގެ ސެކިއުރިޓީ އެމްއެންޑީއެފުން ބަލަހައްޓަން ފެށީ އިންޓެލިޖެންސް ރިޕޯޓަކާއި ގުޅިގެން ކަމަށް އެމްއެންޑީއެފުން ވަނީ އަންގާފައެވެ.
ލި ގޮތަށް އެމްއެންޑީއެފުން ރައީސް މައުމޫން ދިރިއުޅުއްވާ ގެކޮޅުގެ ސެކިއުރިޓީ ވަރުގަދަ ކުރުމާއި ގުޅޭގޮތުން އެމްއެންޑީއެފްގެ ރަސްމީ ބަހެއް އަދި ވަނީ ލިބޭގޮތް ނުވެފައެވެ.
މައުމޫން ދިރިއުޅުއްވާ އެންދެރިމާގޭގެ ސެކިއުރިޓީ ބަލަހައްޓަން ސިފައިންގެ ދެމީހުން ތިބެއެވެ. އެ ގެއަށް ވަދެވެނީ އެމްއެންޑީއެފުން ބަލާ ފާސްކުރުމަށް ފަހުގައެވެ.
ކުއްލި ގޮތަށް އެމްއެންޑީއެފުން ރައީސް މައުމޫން ދިރިއުޅުއްވާ ގެކޮޅުގެ ސެކިއުރިޓީ ވަރުގަދަ ކޮށްފައިވާއިރު މީގެ ކުރިން އެމަނިކުފާނަށް ދީފައިވާ ސެކިއުރިޓީގެ މިންވަރު ސަރުކާރުން ދަށްކުރިއެވެ. އެގޮތަށް އަމަލުކޮށްފައިވަނީ ރައީސް ޔާމީނަށް ކުރައްވާ ތާޢީދު އަނބުރާ ގެންދެވުމުންނެވެ.
މައުމޫނު ދިރިއުޅުއްވާ ގެކޮޅުގެ ސެކިއުރިޓީ ވަރުގަދަކޮށް އެގެކޮޅަށް ވަންނަ މީހުންގެ ނަން ނޯޓުކުރަން ފެށުމުން ގިނަ ބަޔަކު ދަނީ އެކަމަށް ފާޑުކިޔަމުންނެވެ.