އެމްޑީޕީން ކިތަންމެ ބޮޑަށް އަނގަ ފުޅާކޮށްފައި ބުންޏަސް ރައީސް ނަޝީދުގެ ނަން ވޯޓް ކަރުދާހުގައި ނޯންނާނެ ކަމަށް ފިޝަރީޒް މިނިސްޓަރު ޑރ. މުހައްމަދު ޝައިނީ ވިދާޅުވެއްޖެއެވެ.
ޝައިނީ މިހެން ވިދާޅުވެފައި ވަނީ، ރޭ ޗެނެލް 13 ގެ ނިއުސްޓޯކް ޕްރޮގުރާމުގައި ވާހަކަ ދައްކަވަމުންނެވެ.
އެމްޑީޕީ އަށާއި ނަޝީދަށް ވަރަށް ބޮޑަށް ފާޑުވިދާޅުވެ ވާހަކަ ދައްކަވަމުން ޝައިނީ ވިދާޅުވީ، އަމިލަފުޅަށް އިސްތިއުފާ ދެއްވި ނަޝީދުގެ ނަން ވޯޓް ކަރުދާހުގައި ނޯންނާނެ ކަމަށެވެ.
"އެމްޑީޕީން ކިތައްްމެ ބޮޑަށް އަނގަ ފުޅާކޮށްފައި އިސްތިއުފާދެއްވި ރައީސް ނަޝީދުގެ ނަން ވޯޓް ކަރުދާހުގައި އޮންނާނެ ކަމަށް ބުނި ނަމަވެސް އަމިލަފުޅަށް އިސްތިއުފާ ދެއްވި ނަޝީދުގެ ނަން ވޯޓް ކަރުދާހުގައި ނޯންނާނެ"
ޝައިނީ ވިދާޅުވީ އެމްޑީޕީ އަށް ތާއީދުކުރި ރައްޔިތުންގެ ޚިޔާލު ބަދަލުވެފައިވާކަމަށާއި މިހާރު ރައްޔިތުން އަނެއް ދިވެހިރާއްޖެއަށް ދާން ބޭނުން ނުވާ ކަމަށެވެ.
ނަޝީދުގެ އިތުރުން ޖުމްހޫރީ ޕާޓީގެ ލީޑަރު ޤާސިމް އިބްރާހީމަށް ވެސް ޝައިނީ ވަނީ ވަރަށް ބޮޑަށް ފާޑުވިދާޅުވެފައެވެ. އެގޮތުން ޝައިނީ ވިދާޅުވީ ގާސިމް ފިއްލަވައިގެން ދިޔަ އިރު ރިސޯޓް ތަކުން ދައްކަވަން ޖެހޭ އެއްވެސް ޓެކްސް އެއް ދައްކާފައި ނުވާކަމަަށެވެ.