މިއުޒިކް އިންޑަސްޓްރީ ތެރޭގައި ރެޕުންގެ ގޮތުގައި ފާހަގަކޮށްލެވޭ ޒުވާނުންތަކެއްގެ މައްޗަށް ބިނާކޮށް ޒޯޔާ އަހްތަރު ޑައިރެކްޓް ކުރާ ފިލްމް "ގުލީ ބޯއި" ގެ ޝޫޓިން މިއަދު ފަށައިފި އެވެ.
މި ފިލްމަކީ 2015 ގައި ރިލީޒް ކުރާ "ދިލް ދަޅަކް ނޭ ދޯ" އަށް ފަހު، ޒޯޔާ ޑައިރެކްޓް ކުރާ ފުރަތަމަ ފިލްމެވެ. އަދި ރަންވީރް ސިންގްއާ އެކު އޭނާ ހަދާ ދެވަނަ ފިލްމް ވެސް މެ އެވެ.
"ގުލީ ބޯއި" ގައި ރަންވީރްއާ އެކު ބަތަލާއިންގެ ގޮތުގައި ފެނިގެން ދާނީ އާލިއާ ބަޓް އާއި ކަލްކީ ކޮޗްލިން އެވެ.
މިއީ ކަލްކީ ވެސް ޒޯޔާއާ އެކު މަސައްކަތް ކުރާ ދެވަނަ ފިލްމެވެ. އޭނާ 2011 ޑައިރެކްޓް ކުރި "ޒިންދަގީ މާ މިލޭގީ ދޮބާރާ" ގައި ވެސް ކަލްކީ ވަނީ މުހިއްމު ރޯލެއް ކުޅެފަ އެވެ.
"ގުލީ ބޯއި" އަކީ ޒޯޔާ އާއި ޑައިރެކްޓަރު/ސްކްރީންރައިޓަރު ރީމާ ކަތުގީގެ ލިޔެފައިވާ ސްކްރިޕްޓަކަށް ހަދާ ފިލްމެކެވެ. ބައެއް ރިޕޯޓްތައް ބުނާ ގޮތުން މީގެ ވާހަކަ ބިނާކޮށްފައި ވަނީ މަޝްހޫރު ދެ ރެޕާޒް އިން ކަމަށްވާ ވިވިއަން ފެނާންޑޭޒް (ޑިވައިން) އާއި ނާވިދް ޝެއިހް (ނައޭޒީ) ގެ މައްޗަށެވެ.
އަދި ރިލީޒް ކުރާނެ ތާރީހެއް އިއުލާންކޮށްފައި ނުވާ "ގުލީ ބޯއި" އަކީ ޒޯޔާގެ ކޮއްކޮ ފަރްހާން އަހްތަރާއި ރިތޭޝް ސިދްވާނީގެ އެކްސެލް އެންޓަޓައިންމަންޓުން ޕްރޮޑިއުސް ކުރާ ފިލްމެކެވެ.