ރައްޔިތުންގެ މަޖިީހުގެ ދިއްގަރު ދާއިރާގެ މެމްބަރު އަހްމަދު ފާރިސް މައުމޫނު ޤާނޫނާ ހިލާފަށް ހައްޔަރުކޮށްގެން އުޅޭ ފަރާތްތަކުން އެކަމުގެ އަގު ދައްކަން ޖެހޭނެ ކަމުގައި ފާރިސްގެ ބައްޕާފުޅު ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެ އެވެ.
ފާރިސް ޖަލުގައި ބަންދުކޮށްފައިވާތާ 180 ދުވަސް ވުމާއި ގުޅިގެން އިއްޔެ ކުރެއްވި ޓްވީޓެއްގައި މައުމޫނު ވަނީ ފާރިސް ގޯސްކޮށް ކުރައްވާފައިވާ ކަމެއްގެ ހެއްކެއް ކޯޓަށް ހުށަހަޅާފައި ނުވާކަން ފާހަގަކުރައްވާފައެވެ.
މައުމޫންގެ ޓްވީޓްގައި ވިދާޅުވެފައި ވަނީ އިންސާފުގެ ބޭރުން ފާރިސް ހައްޔަރުކޮށްގެން އުޅޭ މީހުން ވަރަށް އަވަހަށް ނޫނީ ފަހުން ނަމަވެސް އެކަމުގެ އަގު ދައްކަން ޖެހޭނެ ކަމަށެވެ.
ރައްޔިތުންގެ މަޖިލީހުގެ މެންބަރުންނަށް ރިޝްވަތު ހުށަހެޅި ކަމުގެ ތުހުމަތު ކުރުމަށް ފަހު ފާރިސް ހައްޔަރުކޮށްފައި ވަނީ 18 ޖުލައި 2016 ގައެވެ. އަދި ކްރިމިނަލް ކޯޓުން ޝަރީޢަތް ނިމެންދެން ފާރިސް ބަންދުގައި ބަހައްޓަން އަމުރުކޮށްފައި ވަނީ 19 ޖުލައި 2016 ގައެވެ.
ފާރިސްގެ މައްޗަށް ކުރާ ދެ ދައުވާ އަކީ މަޖިލީހުގެ މެންބަރުންނަށް ރިޝްވަތު ދިނުމުގެ ދައުވާ އާއި ޝަހްސު އޮޅުވާލުމުގެ ދައުވާއެކެވެ.