1. ފެހި ތަރުކާރީ
ކޭލް އާއި ސްޕިނެޗްފަދަ ފަތްޕިލާވެލީގެ އިތުރުން އެހެނިހެން ފެހި ތަރުކާރީތަކަކީ ވިޓަމިން ސީ އާއި ބީޓާ ކެރޮޓިން އަދި ލުޓީންގެ އިތުރުން ޒިއެކްސެންތިން ވެސް އެކުލެވިގެންވާ އެއްޗެހި އެވެ. މި އެންޓިއޮކްސިޑެންޓްތަކަކީ ލޮލަށް ޤުދުރަތީ ސަންސްކްރީނެއްގެ ގޮތުގައި މަސައްކަތްކޮށް، ނުރައްކާތެރި އިރުގެ ދޯދިތަކުން ލޯ ރައްކާތެރިކޮށްދޭ މާއްދާތަކެކެވެ. މި ތަރުކާރީތައް ކެއުމަކީ ކެޓަރެކްޓްސް ޖެހުމުގެ ފުރުސަތު ކުޑަކޮށްދޭ ކަމެކެވެ.
2. ނަޓްސް
އާމަންޑްސް އާއި އެޕްރިކޮޓްސް އަދި ކެޝޫ ނަޓްސްގެ އިތުރުން ސަންފްލާވާ އޮށްތަކަކީ ލޮލާއި ފެނުމަށް ލިބޭ ގެއްލުންތައް ކުޑަކޮށްދޭ އެއްޗެހި އެވެ. އެއީ މިތަކެއްޗަކީ ކެޓަރެކްޓް އާއި ލޮލުގެ މަސްތައް ހަލާކުވުމުން ދުރުހެލިކޮށްދޭ ވިޓަމިން އީ އެކުލެވިގެންވާ އެއްޗެހި ކަމުގައި ވާތީއެވެ. މީގެ އިތުރުން ސަންފްލާވާ އޮށްތަކުގައި ޒިންކް އަދި ވިޓަމިން އީ ވެސް އެކުލެވިގެންވެއެވެ. މި މާއްދާތަކަކީ ލޯ ދުޅަހެޔޮކަންމަތީ ދަމަހައްޓައިދޭ މާއްދާތަކެކެވެ.
3. ހުތް މޭވާތައް
ހުތް މޭވާތަކަކީ ލޮލުގައިވާ ޓިޝޫތަކުގެ ސިއްޙަތު އިތުރަށް ދުޅަހެޔޮކޮށްދޭ ވިޓަމިން ސީ އެކުލެވިގެންވާ އެއްޗެހިއެވެ. އެހެންކަމުން ހުތް މޭވާ ކެއުމަކީ ކެޓަރެކްޓްސް ޖެހުމުގެ ފުރުސަތު ކުޑަކޮށްދޭ ކަމެކެވެ.
4. ކެރެޓް
ކެރެޓަކީ ލޮލުގެ ފެނުން ރަނގަޅުކޮށްދޭ އެއްޗެކެވެ. ކެރެޓަކީ ގިނަ އަދަދަކަށް ބީޓާ ކެރޮޓިން އެކުލެވިގެންވާ ތަރުކާރީއެކެވެ. ބީޓާ ކެރޮޓިން އަކީ އިރުން ލޮލަށް ލިއްބައިދޭ ގެއްލުންތަކުން ލޯ ރައްކާތެރިކޮށްދޭ އެންޓިއޮކްސިޑެންޓެކެވެ. މީގެ އިތުރުން ވެސް އެއީ ކެޓަރެކްޓްސް ޖެހުމާއި ލޮލުގެ މަސްތައް ހަލާކުވުމުގެ ފުރުސަތު ކުޑަކޮށްދޭ މާއްދާއެކެވެ.
5. ބެލް ޕެޕާ (ބޮޑު މިރުސް)
މިއީ ގިނަ އަދަދަކަށް ވިޓަމިން ސީ އާއި ވިޓަމިން އޭ އެކުލެވިގެންވާ ތަރުކާރީގެ ބާވަތެކެވެ. ބެލް ޕެޕާ އަކީ ލޮލުގައި ހުންނަ ލޭހޮޅިތަކަށް ވެސް ރަނގަޅު އަދި ކެޓަރެކްޓްސް ޖެހުމުގެ ފުރުސަތު ކުޑަކޮށްދޭ އެއްޗެކެވެ. ބެލް ޕެޕާ އަކީ އެއްވެސް ވަރަކަށް ފެޓްސް އެކުލެވިގެން ނުވާ އަދި ލޯ-ކެލޮރީ ތަރުކާރީ އެކެވެ. މީގެ އިތުރުން ބެލް ޕެޕާގައި ގިނަ އަދަދަކަށް ފައިބާ އެކުލެވިގެންވުމުން އަވަހަށް ބަނޑުވެސް ފުރޭނެއެވެ.