އަންނަ މަހުގެ 6 ގައި އޮލިމްޕަސް ސިނަމާގައި ޕްރިމިއާ ކުރާ ފިލްމް "ދެވަންސޫރަ" އައްޑޫގައި އަޅުވަން ނިންމައި، ޓިކެޓް ބުކްކޮށް ދޭން ފަށައިފި އެވެ.
ފިލްމްގެ ޓިކެޓް ބުކް ކުރަން ބޭނުންވާ މީހުން 7845584 އަދި 7414404 އަށް ގުޅުމުން ޓިކެޓް މިހާރު ބުކްކޮށް ދޭނެ އެވެ.
މަރަދޫ ބޮޑޮގޭގައި "ދެވަންސޫރަ" އަޅުވަން ނިންމި ނަމަވެސް އަދި ސީދާ ތާރީހެއް ހަމައެއްނުޖައްސަ އެވެ.
"އެކަމަކު ބޮޑަށް ލަފާ ކުރެވެނީ ހަމަ މާލެއާ އެއް ތާރީހެއްގައި އައްޑޫގައި ވެސް އެޅުވޭނެ ކަމަށް،" ފިލްމް އެޅުވުމާ ހަވާލުވެ ހުރި އޮފިޝަލަކު ބުންޏެވެ. "ދެވަންސޫރަގެ ޓީމާ ވާހަކަ ދެކެވެމުން މިހާރު އަންނަނީ."
"ދެވަންސޫރަ" އަކީ ޔޫސުޝފް ޝަފީއު (ޔޫއްޕެ) ލިޔެ، ޑައިރެކްޓްކޮށް އަދި މުހިއްމު ރޯލެއް ވެސް ކުޅެފައިވާ ސަސްޕެންސް ތުރިލާއެކެވެ.
ގެ ކާސްޓުންގެ ތެރޭގައި މުހައްމަދު ފައިސަލް، ފާތުމަތު އާޒިފާ (އަޒޫ)، ނާޝިދާ މުހައްމަދު (ނާއްކޮ)، އަހުމަދު ސައީދު، އަލީ އާޒިމް (ދޮންއައްޔަ)، އަލީ ޝަޒްލީމް، އިބްރާހީމް ޖިހާދު (ޖިމީ)، ޖާދުﷲ އިސްމާއީލް (ޖާދު)، އަދި އަހުމަދު އީސަ (އާނަންދު) ފަދަ ތަރިން ހިމެނެ އެވެ.
މި ތަރިންނާ އެކު ފިލްމްގެ ލީޑް ބަތަލާއެއްގެ ގޮތުގައި ފެނިގެން ދާނީ އަލަށް ތައާރަފުވާ މަރިޔަމް ޝިފާ އެވެ