ސަންޖޭ ލީލާ ބަންސާލީގެ ތާރީހީ ލޯބީގެ ފިލްމް "ޕަދްމާވަތު" އަށް ކުރިމަތިވި މައްސަލަތަކާ ހެދި ރިލީޒް ނުކުރެވި، ދުވަސްތަކެއް ވުމަށް ފަހު މި މަހުގެ 25 ގައި އެ ފިލްމް ރިލީޒް ކުރަން ނިންމުމާ ގުޅިގެން ބައެއް އެހެން ފިލްމްތައް ރިލީޒް ކުރާ ތާރީހުތަކަށް ބަދަލު ގެނެސްފި އެވެ.
އެގޮތުން "ޕަދްމާވަތު" އާ އެއް ދުވަހެއްގައި ރިލީޒް ކުރަން ނިންމާފައި އޮތް އަކްޝޭ ކުމާރްގެ "ޕެޑްމޭން" މިހާރު ވަނީ އަންނަ މަހުގެ 9 ގައި ރިލީޒް ކުރަން ނިންމައިފަ އެވެ. އެގޮތަށް ނިންމީ މި ދެ ފިލްމަކީ ވެސް ވަރަށް ހިނގާނެ ކަމަށް ބެލެވޭ ދެ ފިލްމަށްވެފައި އެއް ދުވަހެއްގައި ރިލީޒްކޮށްފި ނަމަ، ދެ ފިލްމްގެ ވިޔަފާރި އަށް ވެސް އަސަރު ކުރުމެވެ.
#LatestUpdate… #SonuKeTituKiSweety, which was slated for 9 Feb 2018 release, has not moved its date yet… The film, starring Kartik Aaryan, Nushrat Bharucha and Sunny Singh, will be releasing along with #Padman and #Aiyaary.
— taran adarsh (@taran_adarsh) January 20, 2018
އެހެންވެ ބަންސާލީ އާއި އަކްޝޭ މަޝްވަރާކޮށް "ޕެޑްމޭން" ފަސްކޮށްލީ އެވެ. މިހާރު މިވީ ގޮތުން "ޕެޑްމޭން" ބޮކްސް އޮފީހުގައި ވާދަ ކުރާނީ ސިދާތު މަލްއުތުރާގެ "އައްޔާރީ" އާއި ލަވް ރަންޖަންގެ "ސޯނޫ ކޭ ޓީޓޫ ކީ ސްވީޓީ" އާ އެވެ.
މި ބަދަލާ އެކު ރިލީޒް ކުރާ ތާރީހުތަކަށް ބަދަލު އެންމެ ފާހަގަކޮށްލެވޭ އެއް ކަމަކީ ސްރީދޭވީ ދޮށީ އަންހެން ދަރި ޖާންވީ ކަޕޫރާއި ޝާހިދު ކަޕޫރްގެ ކޮއްކޮ ބޮލީވުޑަށް ތައާރަފުވާ ފިލްމް "ދަޅަކް" އެވެ.
#6monthstoDHADAK #dhadak releasing 20th JULY 2018! Directed by @ShashankKhaitan and PRESENTING #janhvi and #Ishaan @DharmaMovies @ZeeStudios_ @apoorvamehta18 pic.twitter.com/ECM0IYFOUo
— Karan Johar (@karanjohar) January 20, 2018
ކުރިން ޖުލައި 6 ގައި ރިލީޒް ކުރަން ނިންމި މިހާރު ސިނަމާތަކަށް ގެންނަން ނިންމާފައި ވަނީ ޖުލައި 20 ގަ އެވެ. އެކަން ޕްރޮޑިއުސަރު ކަރަން ޖޯހަރް ވަނީ ފިލްމްގެ އާ ޕޯސްޓަރަކާ އެކު ފޭނުންނާ ހިއްސާކޮށްފަ އެވެ.
މީގެ އިތުރުން މެއި 28 ގައި ރިލީޒް ކުރަން ކުރިން ތާވަލް ކުރި ކަރީނާ ކަޕޫރާއި ސޯނަމް ކަޕޫރްގެ "ވީރޭ ދީ ވެޑިން" ޖޫން 1 އަށް ފަސްކޮށްފައިވާ އިރު، ފެބްރުއަރީ 23 ގައި ރިލީޒް ކުރަން އޮތް ޖޯން އަބްރަހަމްގެ "ޕަރްމާނޫ" ވަނީ މާޗް 2 އަށް ފަސްކޮށްފަ އެވެ.