އިދިކޮޅު ފަރާތްތަކުން 2015 އަހަރު ބޭއްވި މޭއި ޑޭ މުޒާހަރާގައި ހަމަނުޖެހުން އުފެއްދެވުމުގެ އަޑީގައި ހުންނެވީ ރައީސް އަބްދުﷲ ޔާމީން ކަމަށާއި އެދުވަހުގެ މުޒާހަރާ އާއި ގުޅިގެން ޓެރަރިޒަމް ދައުވާ އުފުލައި ޖަލަށްލާފައިވާ އަދާލަތު ޕާޓީގެ ލީޑަރު ޝެއިހް އިމްރާންގެ ކުށެއް ނެތްކަމަށް ކުރީގެ ނައިބް ރައީސް އަހުމަދު އަދީބް ވިދާޅުވި ވިދާޅުވުން ޕީޖީ އާއި ފަނޑިޔާރު ގެއިން ބަލަން ޖެހޭކަމަށް ޖުމްހުރީ ޕާޓީގެ ނައިބް ލީޑަރ ކިނބިދޫ ދާއިރާގެ މެމްބަރ އަބްދުﷲ ރިޔާޒު ވިދާޅުވެއްޖެ އެވެ.
އަބްދުﷲ ރިޔާޒު ވިދާޅުވީ އަދީބު އެގޮތަށް ވިދާޅުވާ ނަމަ ޕީޖީ އާއި ފަނޑިޔާރުގެއިން ފުލުހުން ލައްވައި އަލުން މައްސަލަ ބަލަން ޖެހޭ ކަމަށެވެ.
Adeeb edhahkavaa vaahakaige haqeeqatheh veythoa belumah PG nuvatha fandiyaarugein fuluhunnah amurukuran jeheyne! Imraan, Ameen, Ali Waheed, Sobah adhi edhuvahu hayyarukuri ethah dhivehsehge massala alun balanjehey! Nuhaqqun emme dhuvahakuves meehaku jalugai bahahtaigen nuvaane! https://t.co/wIvNpLMKJO
— Abdulla Riyaz MP (@riyazabdulla) January 25, 2018
މޭއި ޑޭ މުޒާހަރާ އާއި ގުޅިގެން ކުރީގެ އެމްޑީޕީގެ ޗެއާޕާސަން އަލީ ވަހީދު އާއި ކުރީގެ ޓްރާންސްޕޯޓް މިނިސްޓަރ އަމީން އިބްރާހިމް އާއި ސޮބާހު ރަޝީދު ހައްޔަރުކޮށްފައިވެއެވެ.
ރިޔާޒު ވިދާޅުވީ ނުހައްގުން އެންމެ ދުވަހަކުވެސް މީހަކު ޖަލުގައި ބަހައްޓައިގެން ނުވާނެކަމަށެވެ.
ޝެއިހް އިމްރާންގެ މައްޗަށް ސާބިތުވެފައިވާ ޓެރަރިޒަމްގެ ދައުވާ އާއި ގުޅިގެން އިމްރާން ޖަލު ބަންދުގައި ހުންނަވާތާ 1000 ދުވަސް ހަމަވުމާއި ގުޅިގެން އަދީބުގެ ފަރާތުން ބުނެފައިވަނީ "މޭޑޭ މުޒާހަރާއާ ގުޅިގެން ހިނގާދިޔަ ހަމަނުޖެހުމުގެ ތެރޭގައި، އަމަން ބަލަހައްޓަން ތިބި ފުލުހުންނަށާއި، ޢާއްމުންގެ މުދަލަށް ގެއްލުން ދިނުމުގެ ޢަމަލުތަކަކީ، ސަރުކާރުގެ ތެރެއިން ސީދާ ރައީސް ޔާމީނުގެ ރޭވުމަކުން ހިނގާދިޔަ ޢަމަލުތަކެއްކަން ނުހަނު ރަނގަޅަށް އަޅުގަނޑު ދެނެހުރީމެވެ. މި ކަންކަމުގެ ތެރޭގައި އެ ދުވަހުގެ މުޒާހަރާގައި ބޭނުންކުރި ޕިކަޕެއް ފުލުހުންގެ ބެރިކޭޑުތައް ފަޅާލައި، ދުއްވާފައި ފުލުހުންގެ ތެރެއަށް ވަނުމާއި، މުޒާހަރާ މެދުކަނޑާލެވުނު ވަގުތު މާލޭގެ މަގުތަކުގައި ހިނގާދިޔަ ފުލުހުންނާއި ޢާންމުންނަށް ހަމަލާ ދިނުމުގެ ޢަމަލުތަކަކީ މި ރޭއްވެވުމުގެ ދަށުން ހިނގާދިޔަ ކަންތައްތަކެއްކަން، ދިވެހި ރައްޔިތުންނަށް އަޅުގަނޑު ޔަޤީންކޮށްދެމެވެ،" އަދީބު ވިދާޅުވެފައިވެއެވެ.