މަޝްހޫރު ލަވަކިޔުންތެރިޔާ އެރީކޭގެ ގްލެޝިއަަސްގެ ލަވަތައް ސްޓްރީމްކޮށްގެން ޔުނިވާސިލް މިއުޒިކް ގްރޫޕަށް ލިބޭ ރޯޔަލްޓީން 50 ޕަސަންޓް ފައިދާ އޭނާ އަށް ދޭން އެއްބަސްވެފައިވީ ނަމަވެސް އެގޮތަށް ޔުނިވާސިލް އިން އަމަލު ނުކުރާތީ އެ ކުންފުންޏާ ދެކޮޅަށް ދައުވާ ކުރަން އޭނާ ކޯޓަށް ހުށަހަޅައިފި އެވެ.
އެރޭކީ މެންހަޓަންގެ ޑިސްޓްރިކްޓް ކޯޓަށް ހުށަހެޅި ދައުވާގައި ބުނެފައި ވަނީ ޔުނިވާސަލް އިން އެގްރިމަންޓާ ހިލާފުވެފައިވާ ކަމަށާއި އޭނާ އަށް ބައި އަޅާފައި ވަނީ އެގްރިމަންޓްގައި އެއްބަސްވެފައިވާ މިންވަރަށް ވުރެ ކުޑަކޮށް ކަމަށެވެ.
މިކަމާ ބެހޭ ގޮތުން އެރީކޭގެ ވަކީލް ވިދާޅުވީ އެންރީކޭގެ މިއުޒިކް ލޭބަލްއެއްގެ ގޮތުގައި މަސައްކަތް ކުރި ޔުނިވާސަލް މިއުޒިކުން އަމަލުކޮށްފައި ވަނީ ބޭއިންސުން ކަމަށެވެ.
އަދި ލަވަކިޔުންތެރިޔާގެ މިއުޒިކުން އޭނާ އަށް ލިބެން ޖެހޭ ހައްގު މިންވަރަށް އެ ކުންފުނިން ނުދޭ ކަމަށް ވިދާޅުވި އެވެ.
އެހެންވެ ކޯޓްގައި ދައުވާ ކުރަން ނިންމީ އެރީކޭ އަށް ހައްގުވާ މިންވަރު ޔުނިވާސަލް މިއުޒިކުން ނަގައި ދިނުމުގެ އަމުރަކަށް އެދި އެވެ.
ސްޕެއިނަށް އުފަން 42 އަހަރުގެ އެރީކޭއަކީ ވަރަށް ކާމިޔާބު ލަވަތަކެއް އެހުންތެރިންނަށް ގެނެސް ދީފައިވާ ލަވަކިޔުންތެރިއެކެވެ.