ރައީސް އަބްދުﷲ ޔާމީން މަގާމުން ދުރުކުރުމަށް ސުޕްރީމް ކޯޓަށް މައްސަލައެއް ހުށަހަޅައިފި އެވެ.
މައުލޫމާތު ލިބިފައިވާ ގޮތުގައި މި މައްސަލަ ސުޕްރީމް ކޯޓަށް ހުށަހެޅުއްވުމުގައި އިސްކޮށް ތިއްބެވީ ކުރީގެ ރައީސް މައުމޫން އާއި ރައީސް މުހައްމަދު ނަޝީދެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވެފައި ވަނީ ސުޕްރީމް ކޯޓަށް ހުށަހަޅާފައި ވަނީ ރައީސް ޔާމީންގެ ކޮރަޕްޝަނާއި ވައްކަމުގެ ތުހުމަތުވާ މައްސަލައެއް ކަމަށެވެ. އަދި އެ މައްސަލާގައި އެދިފައިވަނީ ރައީސް ޔާމީން މަގާމުން ދުރުކުރުމަށް ކަމަށެވެ.
ކުރީގެ ދެ ރައީސުންގެ އިތުރުން ސުޕްރީމް ކޯޓަށް މި މައްސަލަ ހުށަހެޅުމުގައި ޖުމްހޫރީ ޕާޓީގެ ލީޑަރު ގާސިމް އިބްރާހިމާއި އަދާލަތު ޕާޓީގެ ނައިބު ރައީސް އަލީ ޒާހިރު ވެސް ބައިވެރިވެވަޑައިގަންނަވައެވެ.