މަޝްހޫރު ފަރުނީޗަރު ކުންފުނި އައިކިއާ ބާނީ އިންވަރް ކެމްޕްރާޑް އުމުރުން 91 އަހަރުގައި މަރުވެއްޖެ ކަމަށް އެކުންފުނިން އިއުލާންކޮށްފި އެވެ.
އައިކިއާ އިން ނެރުނު ބަޔާނެއްގައި ބުނެފައި ވަނީ ކެމްޕްރާޑް މަރުވީ ސްވިޑެންގައި އޭނާގެ ގޭގައި ކަމަށެވެ.
ނަވާރަ ސަތޭކަ ސައްބީސް ވަނަ އަހަރު އުފަންވި ކެމްޕްރާޑް އައިކިއާ ކުންފުނި އުފެއްދީ އޭނާގެ އުމުރުން އެންމެ 17 އަހަރުގަ އެވެ. އޭނާ އެކުންފުނި ހުޅުވީ ސްކޫލްގައި ރަނގަޅު ނަތީޖާއެއް ހޯދުމުން ހަދިޔާއެއްގެ ގޮތުން އޭނާގެ ބައްޕަ ދިން ފައިސާތަކެއް ބޭނުންކޮށްގެންނެވެ.
ދިރިއުޅުމުގެ ފަހު ވަގުތާ ޖެހެންދެން ވެސް ކެމްޕްރާޑް މަސައްކަތުގައި ދެމިހުންނެވި އެވެ. އެގޮތުން އޭނާ އައިކިއާގެ ބޯޑުން އިސްތިއުފާ ދިނީ 2013 ވަނަ އަހަރު އެވެ.
އައިކިއާ އަކީ ދުނިޔޭގެ ގިނަ ޤައުމްތަކެއްގައި މަޝްހޫރުވެގެން ގޮސްފައިވާ، ގިނަ ބައެއްގެ އިތުބާރު ހޯދާފައިވާ ބައިނަލްއަޤްވާމީ ބްރޭންޑެކެވެ.
އެ ބްރޭންޑުން ލިބުނު ފައިދާތަކުގެ ސަބަބުން ކެމްޕްރާޑް މަރުވިއިރު، އޭނާ އަކީ ދުނިޔޭގެ އެންމެ މަޝްހޫރު ބިލިއަނަރުންގެ ތެރޭގައި ހިމެނޭ މީހެކެވެ.