ބޮލީވުޑްގެ ކާމިޔާބު ޒުވާން އެކްޓަރު ވަރުން ދަވަންގެ ވެކްސް ސްޓެޗޫ މެޑަމް ޓްސޯޑްސް ހޮންކޮންގް އިން މިއަދު ދައްކާލައިފި އެވެ.
ސްޓެޗޫ ދައްކާލަން ބޭއްވި ހަފުލާގައި ވަރުންގެ އިތުރުން އޭނާގެ ބައްޕަ އަދި މަޝްހޫރު ޑައިރެކްޓަރު ޑޭވިޑް ދަވަން އާއި ވަރުންގެ މަންމަ ވެސް ބައިވެރިވި އެވެ.
މަޝްހޫރު މީސްމީހުންގެ ވެކްސް ސްޓެޗޫ އަށް ހާއްސަ މެޑަމް ޓްސޯޑްސް އިން ވަރުންގެ ވެކްސް ސްޓެޗޫއެއް ހަދަން ނިންމައި އެކަން އިއުލާން ކުރީ މިދިޔަ އަހަރުގެ އޮކްޓޯބަރު މަހުގެ ތެރޭގަ އެވެ.
EXCLUSIVE one on one with the one pic.twitter.com/oDH4dfyW3I
— Varun Dhawan (@Varun_dvn) January 30, 2018
ވަރުންއަކީ މެޑަމް ޓްސޯޑްސް ވެކްސް ސްޓެޗޫގެ ޝަރަފު ދިން ބޮލީވުޑްގެ އެންމެ ޒުވާން އެކްޓަރެވެ.
All the magic all the love all the way from HONK KONG pic.twitter.com/CIgcHXq7t8
— Varun Dhawan (@Varun_dvn) January 30, 2018
ލަންޑަންގެ މެޑަމް ޓްސޯޑްސްގައި ބޮލީވުޑްގެ މަޝްހޫރު ބައެއް ތަރިންގެ ސްޓެޗޫ ބަހައްޓާފައިވެ އެވެ.
އޭގެ ތެރޭގައި އަމީތާބް ބައްޗަން، އައިޝްވާރިޔާ ރާއީ، ޝާހްރުކް ހާން، ސަލްމާން ހާން، ރިތިކް ރޯޝަން، މަދޫރީ ޑިކްޝިޓް، ކަރީނާ ކަޕޫރް އަދި ކެޓްރީނާ ކެއިފް ހިމެނެ އެވެ.