ރާއްޖޭގެ ޓޫރިޒަމް އިޝްތިހާރު ކުރުމަށް ޚާއްސަ މޮބައިލް އެޕްލިކޭޝަނެއް ފީލް އިންވެސްޓްމަންޓުން ތައާރަފްކޮށްފިި އެވެ.
"ފީލް މޯލްޑިވްސް" ގެ ނަމުގައި ތައާރަފު ކުރި އެޕްލިކޭޝަނަކީ ރާއްޖޭގެ ޓޫރިޒަމަށް ޙާއްސަކޮށްގެން ތައާރަފް ކުރި މިފަދަ ފުރަތަމަ މޯބައިލް އެޕްލިކޭޝަންކަން ފާހަގަކޮށްލެވެ އެވެ.
މި އެޕްލިކޭޝަން މެދުވެރިކޮށް ރާއްޖޭގެ ރިސޯޓްތަކާއި ގެސްޓްހައުސްތަކާއި ސަފާރީތަކާ ބެހޭ މައުލޫމާތު ހޯދައި އެތަންތަނުން ބުކިން ވެސް ހެއްދޭނެ އެވެ.
ފީލް އިންވެސްޓްމަންޓްގެ ސީއީއޯ ހަސަން ލަބީ ވިދާޅުވީ އެޕްލިކޭޝަން މެދުވެރިކޮށް ބުކިންސް ހައްދާ ދިވެހިންނަށް ޚާއްސަ ޑިސްކައުންޓްތަކެއް ލިބިގެން ދާނެ ކަމަށެވެ.
"ފީލް މޯލްޑިވްސް" އެޕްލިކޭޝަން މިހާރު ޕްލޭސްޓޯރާއި އެޕްސްޓޯރުން ވެސް ޑައުންލޯޑް ކުރެވޭނެ އެވެ.
ލަބީ ވިދާޅުވި ގޮތުގައި އެޕްލިކޭޝަން އިތުރަށް ފުރިހަމަ ކުރުމަށް ގެންނަން ޖެހޭ އަޕްޑޭޓްތައް ގެނެސް ނިމޭ އިރު އެޕްލިކޭޝަން މެދުވެރިކޮށް ސުވެނިއާ ވެސް ގަނެވޭނެ ގޮތް ހަމަޖެހިގެން ދާނެ އެވެ.