ރޭ ދިވެހިރާއްޖޭގެ ސުޕްރީމް ކޯޓުން ނެރުނު އަމުރު ތަންފީޒު ކުރުމަށް ކުރަންޖެހޭ މަސައްކަތް ކުރަމުން އަންނަ ކަމަށް މޯލްޑިވްސް ކަރެކްޝަނަލް ސާރވިސް އިން ބުނެފިއެވެ.
ކަރެކްޝަންސް އިން ބުނެފައިވާ ގޮތުގައި އެ އިދާރާއިން މިހާރު ދަނީ ސުޕްރީމް ކޯޓުގެ އަމުރު ތަންފީޒު ކުރަމަށް ފުރިހަމަ ކުރަންޖެހޭ އިޖުރާއަތްތައް ފުރިހަމަ ކުރަމުންނެވެ.
ކަރެކްޝަންސް އިން މިހެން ބުނި ނަމަވެސް ސުޕްރީމް ކޯޓުގެ އަމުރު ނެރުނުތާ 6 ގަޑިއިރަށް ވުރެ ގިނަ އިރު ވެފައި ވާއިރު އެ އަމުރު ތަންފީޒު ނުކުރާތީ ގިނަ ބަޔަކު ގެންދަނީ އެކަމަށް ފާޑުކިޔަމުންނެވެ.
ރޭ ބޭއްވި ޕްރެސް ކޮންފަރެންސެއްގައި ސަރުކާރުން ވެސް ވަނީ، ސުޕްރީމް ކޯޓުގެ އަމުރަށް އިހްތިރާމް ކުރާ ކަން ހާމަކޮށްފަ އެވެ.