33 އަހަރަށް ވުރެ ދިގު ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ނައިބު ރައީސް އަހްމަދް އަދީބު ކުއްލިގޮތަކަށް މާފުށީ ޖަލަށް ބަދަލުކޮށްފިއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި ދޫނިދޫގައި ބަންދުކޮށްފައި ހުރި އަދީބު މާފުށީ ޖަލަށް ބަދަލުކޮށްފައި ވަނީ ރޭގެ ވަގުތެއްގައެވެ.
އަދީބު މާފުށީ ޖަލަށް ބަދަލު ކުރި ސަބަބު ކްރެކްޝަނަލް ސަރވިސް އިން ހާމަކޮށްފައެއް ނުވެއެވެ.
އަދީބުގެ އިތުރުން ޖަލަށް ލާފައިވާ 8 ސިޔާސީ ބޭފުޅުން ވަގުތުން ދޫކޮށްލުމަށް ސުޕްރީމް ކޯޓުން އަމުރު ނެރުނުތާ 12 ގަޑިއިރު ވާން ކައިރިވެފައި ވާއިރު އަމޯލްޑިވްސް ކަރެކްޝަނަލް ސާވިސް އިން ވަނީ އެ އަމުރު ތަންފީޒު ކުރުމަށް ފުރިހަމަ ކުރަންޖެހޭ އިޖުރާއަތްތައް ފުރިހަމަ ކުރަމުންދާ ކަމަށް ބުނެފައެވެ.
އެހެން ނަމަވެސް މިހާތަނަށް ޖަލުގައި ތިއްބެވި އެއްވެސް ސިޔާސީ ލީޑަރަކު މިނިވަންކޮށްފައެއް ނުވެއެވެ.