ރައީސް ޑރ. މުޙަންމަދު ވަޙީދު ހަސަން މަނިކު ކުވޭތަށް މިހާރު ކުރައްވަމުން ގެންދަވާ ދަތުރުފުޅުގައި، ކުވޭތުގެ ވިޔަފާރި އާއި އިޤްތިޞާދީ ބައެއް ފަރާތްތަކާ އިއްޔެ ބައްދަލު ކުރައްވައިފި އެވެ.
މިގޮތުން ރައީސް ބައްދަލު ކުރެއްވި ބޭފުޅުންގެ ތެރޭގައި ކުވޭތުގެ ޗެމްބަ އޮފް ކޮމަރސް އެންޑް އިންޑަސްޓްރީގެ ޗެއަމަން ޢަލީ މުޙަންމަދު ތުންޔާން އަލް ޣާނިމާއި، އެ ޗެމްބަރުގެ މެންބަރުންނާއި، ކުވޭތު ފަންޑް ފޮރ އެރަބް ޑިވެލޮޕްމަންޓްގެ ޑެޕިޔުޓީ ޑިރެކްޓަރު ޖެނެރަލް ހިޝާމް އިބްރާހިމް އަލް ވަޤްޔާނާއި، އޮލްޓަނޭޓިވް އިންވެސްޓްމަންޓްސް އެޓް ދަ ޕަބްލިކް އޮތޯރިޓީ ފޮ އިންވެސްޓްމަންޓްސްގެ އެގްޒެކެޓިވް ޑިރެކްޓަރު ފާރޫޤް ޢަލީ ބަސްޠަޤީ ހިމެނިވަޑައިގަންނަވަ އެވެ.
ކުވޭތުގައި ރައީސް ހުންނަވާ ބަޔާން ގަނޑުވަރުގައި ވަކިވަކިން ބޭއްވި މި ބައްދަލުކު ރެއްވުންތަކުގައި، ރާއްޖޭގައި ސަރުކާރުން މިހާރު ފަށްޓަވާފައިވާ ތަރައްޤީގެ މަޝްރޫޢުތަކާއި، އެ މަޝްރޫޢުތައް ހިނގަމުންދާ ގޮތާ ބެހޭ ގޮތުން އެބޭ ފުޅުންނަށް މައުލޫމާތު ދެއްވި އެވެ. އަދި އެ މަޝްރޫޢުތަކަށް އެ ފަރާތްތަކުގެ އެހީތެރިކަން ހޯއްދެވި ދާނެ ގޮތްތަކާ ބެހޭ ގޮތުން ރައީސް މަޝްވަރާ ކުރެއްވި އެވެ.
މީގެ އިތުރުން ރާއްޖޭގައި ހުރި އިންވެސްޓްމަންޓް ފުރުޞަތުތަކާ ބެހޭ މަޢުލޫމާތު ވެސް ރައީސް އެ ފަރާތްތަކާ ޙިއްޞާ ކުރެއްވި އެވެ.