ޗީފް އޮފް ޑިފެންސް ފޯސް އަހުމަދު ޝިޔާމް އާޢި ފުލުހުންގެ އިދާރާ ހިންގެވުމާއި ހަވާލުވެ ހުންނެވި އަބްދުﷲ ނަވާޒު ހައްޔަރު ކުރާނެ ކަމަށް ކުރީގެ ރައީސް މުހައްމަދު ނަޝީދު ގޮވާލައްވައިފިއެވެ.
ސަލާމަތީ ބާރުތަކުގެ އިސްވެރިން ހައްޔަރުކުރުމަށް ނަޝީދު ގޮވާލާފައިވަނީ މިއަދު އެ ދެބޭފުޅުން ކޯޓުތަކުގެ އަމުރަށް ތަބާނުވެ، ބަންޑާރަ ނައިބުގެ ލަފަޔަށް އަމަލުކުރާނެ ކަމަށް ލައިވް ޓީވީގައި ވިދާޅުވުމާ ގުޅިގެންނެވެ.
އަނިލް ވަނީ ރައީސް ޔާމީން އަޒުލުކުރުމަށް ސުޕްރީމް ކޯޓުން މަސައްކަތް ކުރަމުންދާ ކަމަށާއި އެއީ ގާނޫނީ ގޮތުން ކުރެވޭނެ ކަމަކަށް ނުވާތީ އެއަމުރަށް ތަބާ ނުވުމަށް ސަލާމަތީ ބާރުތަކަށް އިރުޝާދު ދީފައިވާނެ ކަމަށް ބުނެފައެވެ.