ކުރިއަށް އޮތް 2 ދުވަހުގެ ތެރޭގައި ރައީސް އަބްދުﷲ ޔާމީންގެ ވެރިކަން ނިންމާނެ ކަމަށް ކުރީގެ ރައީސް މުހައްމަދު ނަޝީދު ގޮވާލައްވައިފިއެވެ.
'ރާއްޖެޓީވީ' އަށް ދެއްވި އިންޓަވިއު އެއްގައި ނަޝީދު ވަނީ ރާއްޖޭގެ ހުރިހާ ރައްޔިތުން މަގުމައްޗަށް ނިކުތުމަށް ގޮވާލައްވައިފިއެވެ. އަދި މި ވެރިކަން ނިމުމަކަށް ނުގެނެސް އެއްވެސް ރައްޔިތަކު ގެއަށް ނުވަނުމަށް ވެސް ނަޝީދު ވަނީ އަދިވަޑައިގެންފައެވެ.
ނަޝީދު މިހެން ވިދާޅުވެފައިވާއިރު ދައުލަތުގެ ބަންޑާރަ ނައިބު ވަނީ ސުޕްރީމް ކޯޓުން ވެރިކަން ނިމުމަކަށް ގެނައުމަށް ކުރާ އަމުރަކީ ގާނޫނީ އޮއްޓަރެއް ނެތް އަމުރެއް ކަމަށާއި އެއަށް ތަބާ ނުވުމަށް ސަލާމަތީ ބާރުތަކަށް އަންގާފައިވާ ކަމަށް ވިދާޅުވެފައެވެ.
އަދި ސަލާމަތީ ބާރުތަކުގެ އިސްވެރިން ވަނީ އަމަލު ކުރާނީ ބަންޑާރަ ނައިބުގެ ލަފަޔަކަށް ކަމަށް ވިދާޅުވެފައެވެ.