ރައީސް އަބްދުﷲ ޔާމީންގެ ކޮރަޕްޝަނާއި ޚިޔާނާތުގެ އެއްވެސް މައްސަލައެއް ނެތް ކަމަށް ފޭދޫ ދާއިރާގެ މަޖިލިސް މެންބަރު އިބްރާހިމްދީދީ (އައިބީ) ވިދާޅުވެއްޖެއެވެ.
އައިބީ މިހެން ވިދާޅުވީ ރޭ ޕީޕީއެމްގެ "ރުމާލު2" ޖަގަހައިގައި ބޭއްވި ޖަލްސާގައި ވާހަކަ ދައްކަވަމުންނެވެ.
ރައިސް ޔާމީން ގެ ކޮރަޕްޝަނުގެ މައްސަލަ އެއް ވެސް ޚިޔާނާތުގެ މައްސަލައެއް ނެތް ކަން ފާހަގަކުރައްވައި އައިބީ ވަނީ ރައީސް ޔާމީންގެ ކުށަކީ ކޮބައިތޯ ސުވާލު އުފައްދަވާފައެވެ.
ކުރީގެ ރައީސުންނަށް ވަރަށް ބޮޑަށް ފާޑުވިދާޅުވެ ވާހަކަ ދައްކަވަމުން އައިބީ ވިދާޅުވީ ރައީސް ޔާމީންގެ ކުށަކީ ނަރުދަމާ އާއި ޞިއްހީ ނިޒާމު ތަރައްޤީކޮށް، ފަތުރުވެރިކަން އިތުރުކޮށް ސިވިލް ސަރވިސް މުވައްޒަފުންގެ މުސާރަ ބޮޑު ކުރުން ތޯ ސުވާލު ކުރައްވާފައެވެ.