ރޭ ސަރުކާރުން އިއުލާންކުރި ކުއްލި ނުރައްކަލުގެ ހާލަތުގެ ޤަރާރަށް ބަދަލުތަކެއް ގެނެސް ޤާނޫނު އަސާސީގެ އިތުރު ހައްގުތަކެއް ވެސް ހިފަހައްޓައިފިއެވެ.
ސުޕްރީމް ކޯޓުން ނެރުނު އަމުރާ ގުޅިގެންނާއި ރާއްޖޭގައި ހިނގަމުންދާ ކަންކަމާ ގުޅިގެން ކަމަށް ވިދާޅުވެ މުޅި ރާއްޖޭގައި 15 ދުވަހަށް ކުއްލި ނުރައްކަލުގެ ހާލަތު ރައީސް ޔާމީން އިއުލާންކުރެއްވި އިރު ޤާނޫނު އަސާސީގެ 13 މާއްދާއެއް ސަސްޕެންޑް ކުރެއްވިއެވެ. އެހެން ނަމަވެސް މިއަދު އަނެއްކާ ވެސް އެ ޤަރާރު އިސްލާހް ކުރުމަށްފަހު ރައީސް އޮފީހުގެ ވެބްސައިޓްގައި ޝާޢިއުކޮށްފަވާއިރު އިތުރު ބައެއް މާއްދާތައް ވެސް ވަނީ ސަސްޕެންޑްކޮށްފައެވެ.
އެގޮތުން ސަސްޕެންޑްކޮށްފައިވާ މާއްދާތަކުގެ ތެރޭގައި ހިމެނެނީ ޤާނޫނު އަސާސީގެ 48 ވަނަ މާއްދާ ހިމެނެއެވެ. ދިވެހި ޖުމްހޫރިއްޔާގެ ޤާނޫނު އަސާސީގެ 48 ވަނަ މާއްދާގެ (ރ) ގައި ބަޔާންކޮށްފައިވާ ގޮތުގައި، ކުށެއްގެ ތުހުމަތުގައި ބަންދުކޮށްފައިވާ މީހާ ބަންދުކޮށްފައި ވަނީ ގާނޫނީ ހަމަތަކުގެ މަތީންތޯ ކަނޑައެޅުމަށް، އެ މީހަކު ހައްޔަރުކުރެވުނުތާ ގިނަވެގެން 24 ގަޑިއިރުގެ ތެރޭގައި، ފަނޑިޔާރެއްގެ ކުރިމައްޗަށް ހާޒިރުކުރަން ވާނެއެވެ.
އެހެން ކަމުން ރޭ ހައްޔަރު ކުރި އެއްވެސް ބޭފުޅަކު ބަންދުގެ މުއްދަތު އިތުރުކުރުމަށް ހާޒިރުކުރާކަށް ނުޖެހޭނެއެވެ.