ފާއިތުވި 5 ދުވަހުގެ ތެރޭގައި ހަ ގަޑިއިރުގެ ނިދި ވެސް ލިބިވަޑައި ނުގަންނަވާ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
މިރޭ ޕީޕީއެމްގެ "ރުމާލު2" ޖަގަހައިގައި ބޭއްވި ޖަލްސާއެއްގައި ވާހަކަ ދައްކަވަމުން ރައީސް ޔާމީން ވިދާޅުވި ގޮތުގައި އެމަނިކުފާނު ވަނީ ވަރަށް ބޮޑަށް ވަރުބަލިވެ ވަޑައިގެންފައެވެ.
ހަމަ ނިދި ލިބިވަޑައި ނުގަންނަވާކަން ފާހަގަކުރައްވައި ރައީސް ވިދާޅުވީ، "ހަގީގަތުގައި ވެސް އަޅުގަނޑު ވަރުބަލި ވެއްޖެ" ކަމަށެވެ.
ރައީސް ޔާމީން ވިދާޅުވި ގޮތުގައި ހެނދުނު ހައެއް ޖަހަންދެން ވެސް ފާއިތުވި 5 ދުވަހުގެ ތެރޭގައި އެމަނިކުފާނު ޑިފެންސް މިނިސްޓްރީގައި ހޭދަކުރެއްވިއެވެ. އަދި އެއަށް ފަހު ހަމަ އެދުވަހުގެ ހެނދުނު 8:30 ގައި އެނބުރި ޑިފެންސް މިނިސްޓްރީ އަށް ވަޑައިގެންފައިވާނެ ކަމަށް ވެސް ރައީސް ވަނީ ވިދާޅުވެފައެވެ.