ފުލުހުންގެ ބަންދުގައި ހުންނެވި ސުޕްރީމް ކޯޓުގެ ފަނޑިޔާރު އަލީ ހަމީދުގެ ހާލުބޮޑުވެގެން އެބޭފުޅާއަށް އައިޖީއެމް ހޮސްޕިޓަލުގައި ފަރުވާ ދޭން ފަށައިފިއެވެ.
ފަނޑިޔާރު އަލީ ހަމީދަށް އައިޖީއެމްއެޗްގެ އިމަޖެންސީގައި ފަރުވާދެމުން އަންނައިރު އެބޭފުޅާގެ ހާލު ސީރިއަސް ކަމަށް ވެއެވެ.
2017 ވަނަ އަހަރުގެ ޖުލައި މަހުގެ ތެރޭގައި ސުޕްރީމް ކޯޓުގައި މަސައްކަތުގައި އުޅުއްވަނިކޮށް އަނބުރައިގަނެގެން އައިޖީއެމްއެޗްގައި އަލީ ހަމީދަށް ފަރުވާދީފައިވެއެވެ.
އެފަހަރު އަލީ ހަމީދު އައިޖީއެމްއެޗަށް ގެންގޮސް ބެލިއިރު ލޭގެ ޕްރެޝަރު ހުރީ ވަރަށް މަތީގަ އެވެ. އޭނާގެ ލޭގެ ޕްރެޝަރު ކޮންޓްރޯލް ނުވުމުގެ އިތުރުން އޮކްސިޖަން ދަށްވުމުގެ މައްސަލައެއް ވެސް ކުރިމަތިވި އެވެ.
މީގެ އިތުރުން 2015 ވަނަ އަހަރުގެ ތެރޭގައި ފަނޑިޔާރު އަލީ ހަމީދަށް ބަޔަކު ހަމަލާ ދޭން މަސައްކަތް ކޮށްފައިވެސް ވެއެވެ. އެހެން ނަމަވެސް އެ މައްސަލައިގައި ބަޔަކު ހައްޔަރު ކުރި ކަމެއް ފުލުހުން ބުނެފައެއް ނުވެއެވެ.
ކުއްލި ނުރައްކަލުގެ ހާލަތު އިއުލާން ކުރުމަށް ފަހު އުއްތަމަ ފަނޑިޔާރު އަބްދުﷲ ސައީދު އާއި ފަނޑިޔާރު އަލީ ހަމީދު ހައްޔަރުކޮށްފައި ވަނީ ރޭގެ ވަގުތެއްގައެވެ.
ތަފްސީލް އަންނަނީ…