ކޮންމެ މީހެއްގެ ވެސް މޫނަކީ އެންމެ ފުރަތަމަ އިންސާނާ އަށް ނޯޓިސް ވާތަނެވެ. އަނެއްހެން ބުނާ ނަމަ އެއީ އިންސާނާގެ ލޯގަނޑެވެ. އެހެންވެ މޫނު ރީތި ކޮށް ބެހެއްޓުމަށް ވަރަށް ސަމާލު ކަން ދޭން ވާނެ އެވެ.
މޫނުގެ ހަންގަނޑަކީ ހަށިގަނޑުގެ އެހެން ތަންތަނަށް ވުރެ ނާޒުކު ހަންގަނޑެކެވެ. އުނގުޅާލެވޭ ކުރީމަކުން ނުވަތަ ކެވޭ އެއްޗަކުން ވެސް މީހާގެ ރީތި މޫނު ހަލާކު ވެދާނެ އެވެ. ނޫނު ރީތިކޮށް ބެހެއްޓުމަކީ ކޮންމެ އަންހެން ކަނބަލަކު ވެސް ބޭނުން ވާނެ ކަމެކެވެ.
* ބިއުޓީ ޓިޕް 1: ސާފު ކާށި ހުނިން ފެލާފައި ހުންނަ ބޯކިރުން ކޮންމެ ދުވަހަކު ދެ ފަހަރު މޫނު މަސާޖު ކުރާށެވެ. މިކަމުން ޓީން އޭޖްގައި ނަގާ ބިހި ނެގުން ހުއްޓޭނެ އެވެ. އަދި މޫނަށް އިތުރު ފުރިހަމަކަމެއް ލިބި ދޭނެ އެވެ.
* ބިއުޓީ ޓިޕް 2: މޫނުގެ ޑެޑް ސެލްތައް ނައްތާލުމަށް ކޮންމެ ރެއަކު ނިދުމުގެ ކުރިން ލުނބޯ ފަޅިއަކުން މޫނު ސްކުރަބް ކުރައްވާށެވެ. މިކަމުން މޫނުގައި ކުރިން ހުރި ލަކުނުތަކަށް ވެސް ފަރުވާއަކަށް ވާނެ އެވެ.
* ބިއުޓީ ޓިޕް 3: މެންދުރުގެ ހޫނުން މޫނަށް ލިބިފައިވާ ގެއްލުން ރަނގަޅު ކުރެވޭނެ ގޮތަކީ އަލުވި (މަޑުކޮށް ކައްކާފަވާ) ތެރެއަށް ޔޯގަޓް އަޅާފައި ޕޭސްޓެއް ހަދާފަ އެ މޫނުގައި އުނގުޅާނީ އެވެ. އަދި އެއްގަޑި އިރު ފަހުން މޫނު ދޮވެލާނީ އެވެ. މޫނުގައި ކުރިން ހުރި ރީތިކަން އަތުވެދާނެ އެވެ.
* ބިއުޓީ ޓިޕް 4: މޫނު ގެ ކުލަ އަލިކޮށް ބެހެއްޓުމަށް ކޮންމެ ތިން ދުވަހަކުން ރޯ ކިރާއި ކިޔުކަންބާ އެއްކޮށްގެން ޕޭސްޓެއް ހެދުމަށް ފަހު މޫނުގައި ހާކާށެވެ. އަދި 15 ވަރަކަށް މިނެޓް ކޮއްފަ ދޮންނާށެވެ.
* ބިއުޓީ ޓިޕް 5: މޫނުގައި ރޫ ޖެހޭކަށް އެއްވެސް އަންހެން ބޭފުޅަކު ގަބޫލެއް ނުވާނެ އެވެ. ވީމާ މިކަމުގެ ހައްލަކީ ޓޮމާޓޯ އާއި ކާޑް އެއްކުރުމަށް ފަހު ކޮންމެ ދުވަހަކު ހެނދުނު 10 މިނެޓް ވަންދެން އުނގުޅުމަށް ފަހު ދޮވެލާނީ އެވެ.
* ބިއުޓީ ޓިޕް 6: މޫނުގައި ބިހި ނަގަނީ އާންމުކޮށް މޫނު ތެޔޮވީ މައެވެ. ޓޮމާޓޯ ޕަލްޕެއް ހައްދަވާފައި މޫނުގަ އުނގުޅާށެވެ. އަދި 15 ވަރަކަށް މިނެޓް ވަންދެން ބެހެއްޓުމަ ށްފަހު ތާފަނާ ފެނުން ދޮވެލާނީ އެވެ. މިކަމުން ވެސް ޓޮމާޓޯގެ މުހިއްމުކަން އޮތީ ހަމައެކަނި އެ ކެއުމުން ނޫންކަން އެނގޭނެ އެވެ.
* ބިއުޓި ޓިޕް 7: ފެން ވެރުމުގެ 15 މިނެޓް ކުރިން ކިޔުކަންބާއައި ލުނބޯގެ ދިޔަ މޫނުގައި ހާކާފައި ބެހެއްޓުމަށް ފަހު ދޮވެލާނީ އެވެ. އާދަވެ ހަދަންޏާ މޫނުގެ ރީތިކަން ފެންނާނެ އެވެ. އަދި ބިހިނެގުން ހުއްޓޭނެ އެވެ.
ރަނގަޅަށް ނިދުމާއި ގިނައިން ފެން ބުއިމަކީ ސިއްހަތަށް ކޮންމެހެން ބޭނުން ކަމެކެވެ. ކޮންމެ ދުވަހަކު 10 ނުވަތަ 12 ތަށި ފެން ބުއިމާއި 8 ގަޑި އިރު ނިދުން ކޮންމެހެން ބޭނުމެވެ. މިއީ ދުވާާލު ގަނޑީގައި ހަށިގަނޑަށް ލިބިފައިވާ ލޮޑު ކަމަށް ވެސް ފަރުވާއެކެވެ.
ނޯޓް: ސިއްހީ މިފަދަ މައްސަލަތަކާ މެދު ތިޔަ ބޭފުޅުންގެ ހިތުގައި އެއްވެސް ސުވާލެއް އުފެދޭ ނަމަ "އައްޑޫ ލައިވް" އަށް މެއިލް ކުރުމުން ތިޔަ ބޭފުޅުންގެ ސުވާލުތަކަށް އުފަލާ އެކު ޖަވާބު އަރުވާނަމެވެ.