"ހައުސް އޮފް ކާޑްސް" އާއި "ދަ ވަޔާ" ފަދަ ސިލްސިލާތަކުގައި މަސައްކަތްކޮށްފައިވާ އެކްޓަރު ރެގީ ކެތީ އިއްޔެ މަރުވެއްޖެ އެވެ.
އެމީ އެވޯޑް ވެސް ހާސިލްކޮށްފައިވާ 59 އަހަރުގެ އެކްޓަރު މަރުވީ ފުރަމޭގެ ކެންސަރަށް ފަރުވާ ހޯދަމުން ދަނިކޮށެވެ. އޭނާގެ މަރާ ގުޅިގެން "ދަ ވަޔާ" ގެ މޭސްތިރިޔާ ޑޭވިޑް ސައިމަން ވަނީ ހިތާމަ ފާޅުކޮށް، ހަނދާންތައް އާކޮށްފަ އެވެ.
ރެގީއާ ބެހޭ ގޮތުން އޭނާ ބުނީ ގެއްލިގެން ދިޔައީ ހަމައެކަނި ކުޅަދާނަ އެކްޓަރެއް ނޫން ކަމަށާއި އެއީ ހަޔާތުގައި ދިމާވި އެންމެ ރަނގަޅު އެއް އިންސާނާ ކަމަށެވެ.
"ރެގީއާ އެކު މަސައްކަތްކޮށްލަން ލިބުމަކީ އަހަންނަށް ޝަރަފެއް ވެސް މެ،" ސައިމަން ޓްވިޓާގައި ބުންޏެވެ.
Reg Cathey, 1958-2018. Not only a fine, masterful actor — but simply one of the most delightful human beings with whom I ever shared some long days on set. On wit alone, he could double any man over and leave him thinking. Reg, your memory is a great blessing. pic.twitter.com/OHEUbAhTg0
— David Simon (@AoDespair) February 9, 2018
ބެލުންތެރިންގެ މެދުގައި ރެގީ އެންމެ ބޮޑަށް މަޝްހޫރުވެގެން ގޮސްގައި ވަނީ ނެޓްފްލިކްސްގެ "ހައުސް އޮފް ކާޑްސް" ގައި އޭނާ ކުޅުނު ފްރެޑީގެ ރޯލުންނެވެ. އޭނާ އަށް 2015 ގައި އައުޓްސްޓޭންޑިން ގެސްޓް އެކްޓަރުގެ އެމީ އެވޯޑް ވެސް ލިބުނީ އެ ސިލްސިލާއިންނެވެ.
ރެގީ އެންމެ ފަހުން ފެނިގެން ދިޔަ ސިލްސިލާތަކުގެ ތެރޭގައި "އައުޓްކާސްޓް" އަދި "ދި އިމޯޓަލް ލައިފް އޮފް ހެންރިއެޓާ ލެކްސް" ހިމެނެ އެވެ.
އޭނާ ވަނީ ބައެއް ފީޗާ ފިލްމްތަކުގައި ވެސް މަސައްކަތްކޮށްފަ އެވެ. އޭގެ ތެރޭގައި ދަ މާސްޓް (1994)، ސެވެން (1995) އަދި 2015 ގައި ރިލީޒް ކުރި "ފެންޓާސްޓިކް ފޯ" ހިމެނެ އެވެ.